ថ្ងៃ​អង្គារ, ខែ​វិច្ឆិកា 17, 2026

ព័ត៌មានជាតិ

ប្រជាពលរដ្ឋ​នៅ​ស្រុក​ឈូក ស្នើសុំ​អាជ្ញាធរ​ជួយ​រំដោះ​ទឹក​ដែល​លិចលង់​ស្រូវ និង​បើកផ្លូវ​ធ្វើដំណើរ​ឡើង​វិញ បន្ទាប់​ពី​មាន​ការចាក់​ដី​បិទ​ផ្លូវទឹក​

​ខេត្ត​កំពត​៖ ប្រជាពលរដ្ឋ​រស់នៅ​ក្នុង​ភូមិ​ក្រសាំង ឃុំ​ឈូក ស្រុក​ឈូក ខេត្ត​កំពត នៅ​ព្រឹក​ថ្ងៃទី​២១ ខែតុលា ឆ្នាំ​២០២៦ នេះ បាន​សម្តែង​ការអំពាវនាវ និង​ស្នើសុំ​យ៉ាងទទូច​ដល់​អាជ្ញាធរ និង​មន្ត្រី​ជំនាញ​ពាក់ព័ន្ធ មេត្តា​ចុះជួយ​អន្តរាគមន៍​សម្របសម្រួល​រំដោះ​ទឹក​ដែល​កំពុង​លិចលង់ និង​ជួយ​បើកផ្លូវ ដើម្បី​សម្រួល​ដល់​ការធ្វើដំណើរ​ចេញ​-​ចូល​របស់​ពួកគាត់​ឡើងវិញ​។​

​យោងតាម​ប្រភព​ពី​ប្រជាពលរដ្ឋ​ក្នុង​មូលដ្ឋាន​បានឱ្យដឹងថា បញ្ហា​កើតឡើង​ដោយសារ​មាន​ការចាក់​ដី​បន្ថែម​នៅ​ទីតាំង​នោះ ដែល​ជាហេតុ​ធ្វើឱ្យ​បាត់បង់​ផ្លូវទឹក​ហូរ ហើយ​នៅពេល​មាន​ភ្លៀង​ធ្លាក់ ទឹក​មិន​អាច​ហូរ​ទាន់ ធ្វើឱ្យ​លិចលង់​ដំណាំ​ស្រូវ​របស់​ពួក​គាត់​យ៉ាង​ធ្ងន់ធ្ងរ​។​

​គួរ​បញ្ជាក់​ផង​ដែរ​ថា កាលពី​ខែ​មេសា កន្លងទៅ រដ្ឋបាល​ស្រុក​ឈូក​ធ្លាប់បាន​ចុះ​មក​សម្របសម្រួល និង​ដោះស្រាយ​បញ្ហា​នេះ​ម្តង​រួចមកហើយ ប៉ុន្តែ​ដោយសារ​ក្រោយមក​មាន​ការចាក់ដី​បន្ថែមទៀត ទើប​បណ្តាលឱ្យ​កើត​មាន​បញ្ហា​លិចលង់​ដដែល​ជា​ថ្មី​បែបនេះ​។​

​ជុំវិញ​ករណី​នេះ នៅ​ថ្ងៃ​ទី​២១ ខែតុលា ឆ្នាំ​២០២៦ ដដែល លោក ទូច ស៊ីណា នាយក​រដ្ឋបាល​ស្រុក​ឈូក បាន​មានប្រសាសន៍​ប្រាប់​បណ្តាញ​ព័ត៌មាន​ថា លោក​នឹង​ចាត់តាំង​មន្ត្រី​ថ្នាក់ក្រោម​ឱ្យ​ចុះ​ពិនិត្យ និង​តាមដាន​ស្ថានភាព​ជាក់ស្តែង​នៅ​ទីតាំង​កើតហេតុ​ភ្លាមៗ​។​

​ភ្លាមៗ​បន្ទាប់ពី​មាន​ការបញ្ជា និង​សហការ គេ​សង្កេតឃើញថា​ក្រុមការងារ និង​មន្ត្រី​អាជ្ញាធរ​បាន​ចុះ​ទៅ​ដល់​ទីតាំង​កើតហេតុ ដើម្បី​ធ្វើ​ការត្រួតពិនិត្យ និង​វាយតម្លៃ​ស្ថានភាព​ជាក់ស្តែង​។ ផ្អែក​តាម​ប្រភព​ព័ត៌មាន​ពី​ប្រជាពលរដ្ឋ​បានឱ្យ​ដឹង​បន្ថែម​ថា អាជ្ញាធរ​បាន​សន្យា​នឹង​រង់ចាំ​ដោះស្រាយ​បញ្ហា​នេះ​ជា​ផ្លូវការ​នៅ​ថ្ងៃស្អែក​។​

​ប្រជាពលរដ្ឋ​នៅក្នុង​ភូមិ​ក្រសាំង សម្តែង​ក្តីសង្ឃឹម​យ៉ាង​មុតមាំ​ថា អាជ្ញាធរ និង​មន្ត្រី​ពាក់ព័ន្ធ​នឹង​ស្វែងរក​ដំណោះស្រាយ​ដ៏​ល្អ និង​ប្រកបដោយ​យុត្តិធម៌​ជូន​ពួកគាត់ ដើម្ប​បើក​ផ្លូវទឹក​ឡើងវិញ ចៀសវាង​ការលិចលង់​ដំណាំ​ស្រូវ​បន្តទៀត ព្រមទាំង​បើកផ្លូវ​ឱ្យ​ពួកគាត់​អាច​ធ្វើ​ដំណើរ​ចេញ​-​ចូល​បាន​ដោយ​សម្រួល​ឡើងវិញ​នា​ពេល​ឆាប់ៗ​នេះ​៕

​ខេត្ត​កំពត​៖ ប្រជាពលរដ្ឋ​រស់នៅ​ក្នុង​ភូមិ​ក្រសាំង ឃុំ​ឈូក ស្រុក​ឈូក ខេត្ត​កំពត នៅ​ព្រឹក​ថ្ងៃទី​២១ ខែតុលា ឆ្នាំ​២០២៦ នេះ បាន​សម្តែង​ការអំពាវនាវ និង​ស្នើសុំ​យ៉ាងទទូច​ដល់​អាជ្ញាធរ និង​មន្ត្រី​ជំនាញ​ពាក់ព័ន្ធ មេត្តា​ចុះជួយ​អន្តរាគមន៍​សម្របសម្រួល​រំដោះ​ទឹក​ដែល​កំពុង​លិចលង់ និង​ជួយ​បើកផ្លូវ ដើម្បី​សម្រួល​ដល់​ការធ្វើដំណើរ​ចេញ​-​ចូល​របស់​ពួកគាត់​ឡើងវិញ​។​

​យោងតាម​ប្រភព​ពី​ប្រជាពលរដ្ឋ​ក្នុង​មូលដ្ឋាន​បានឱ្យដឹងថា បញ្ហា​កើតឡើង​ដោយសារ​មាន​ការចាក់​ដី​បន្ថែម​នៅ​ទីតាំង​នោះ ដែល​ជាហេតុ​ធ្វើឱ្យ​បាត់បង់​ផ្លូវទឹក​ហូរ ហើយ​នៅពេល​មាន​ភ្លៀង​ធ្លាក់ ទឹក​មិន​អាច​ហូរ​ទាន់ ធ្វើឱ្យ​លិចលង់​ដំណាំ​ស្រូវ​របស់​ពួក​គាត់​យ៉ាង​ធ្ងន់ធ្ងរ​។​

​គួរ​បញ្ជាក់​ផង​ដែរ​ថា កាលពី​ខែ​មេសា កន្លងទៅ រដ្ឋបាល​ស្រុក​ឈូក​ធ្លាប់បាន​ចុះ​មក​សម្របសម្រួល និង​ដោះស្រាយ​បញ្ហា​នេះ​ម្តង​រួចមកហើយ ប៉ុន្តែ​ដោយសារ​ក្រោយមក​មាន​ការចាក់ដី​បន្ថែមទៀត ទើប​បណ្តាលឱ្យ​កើត​មាន​បញ្ហា​លិចលង់​ដដែល​ជា​ថ្មី​បែបនេះ​។​

​ជុំវិញ​ករណី​នេះ នៅ​ថ្ងៃ​ទី​២១ ខែតុលា ឆ្នាំ​២០២៦ ដដែល លោក ទូច ស៊ីណា នាយក​រដ្ឋបាល​ស្រុក​ឈូក បាន​មានប្រសាសន៍​ប្រាប់​បណ្តាញ​ព័ត៌មាន​ថា លោក​នឹង​ចាត់តាំង​មន្ត្រី​ថ្នាក់ក្រោម​ឱ្យ​ចុះ​ពិនិត្យ និង​តាមដាន​ស្ថានភាព​ជាក់ស្តែង​នៅ​ទីតាំង​កើតហេតុ​ភ្លាមៗ​។​

​ភ្លាមៗ​បន្ទាប់ពី​មាន​ការបញ្ជា និង​សហការ គេ​សង្កេតឃើញថា​ក្រុមការងារ និង​មន្ត្រី​អាជ្ញាធរ​បាន​ចុះ​ទៅ​ដល់​ទីតាំង​កើតហេតុ ដើម្បី​ធ្វើ​ការត្រួតពិនិត្យ និង​វាយតម្លៃ​ស្ថានភាព​ជាក់ស្តែង​។ ផ្អែក​តាម​ប្រភព​ព័ត៌មាន​ពី​ប្រជាពលរដ្ឋ​បានឱ្យ​ដឹង​បន្ថែម​ថា អាជ្ញាធរ​បាន​សន្យា​នឹង​រង់ចាំ​ដោះស្រាយ​បញ្ហា​នេះ​ជា​ផ្លូវការ​នៅ​ថ្ងៃស្អែក​។​

​ប្រជាពលរដ្ឋ​នៅក្នុង​ភូមិ​ក្រសាំង សម្តែង​ក្តីសង្ឃឹម​យ៉ាង​មុតមាំ​ថា អាជ្ញាធរ និង​មន្ត្រី​ពាក់ព័ន្ធ​នឹង​ស្វែងរក​ដំណោះស្រាយ​ដ៏​ល្អ និង​ប្រកបដោយ​យុត្តិធម៌​ជូន​ពួកគាត់ ដើម្ប​បើក​ផ្លូវទឹក​ឡើងវិញ ចៀសវាង​ការលិចលង់​ដំណាំ​ស្រូវ​បន្តទៀត ព្រមទាំង​បើកផ្លូវ​ឱ្យ​ពួកគាត់​អាច​ធ្វើ​ដំណើរ​ចេញ​-​ចូល​បាន​ដោយ​សម្រួល​ឡើងវិញ​នា​ពេល​ឆាប់ៗ​នេះ​៕

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *