ខេត្តកែប៖ កងកម្លាំងចម្រុះស្រុកដំណាក់ចង្អើរ ក្រោមការដឹកនាំផ្ទាល់ពីលោក ឆាង ឆៃ អភិបាល នៃគណៈអភិបាលស្រុក បានចុះប្រតិបត្តិការទប់ស្កាត់ និងបង្ក្រាបទីតាំងល្បែងស៊ីសងខុសច្បាប់ (ជល់មាន់) មួយកន្លែង កាលពីថ្ងៃទី១០ ខែវិច្ឆិកា ឆ្នាំ២០២៦ ស្ថិតនៅចំណុចភូមិអន្ទង់ស ឃុំពងទឹក ស្រុកដំណាក់ចង្អើរ ខេត្តកែប។
ប្រតិបត្តិការនេះបានធ្វើឡើង បន្ទាប់ពីមានការធ្លាយព័ត៌មាន និងការរាយការណ៍អំពីសកម្មភាពបើកលេងល្បែងជល់មាន់ខុសច្បាប់នៅទីតាំងខាងលើអស់រយៈពេលជិតមួយខែកន្លងមក ដែលបង្កឲ្យមានការរះគន់ និងហួសចិត្តយ៉ាងខ្លាំងពីសំណាក់ប្រជាពលរដ្ឋនៅក្នុងមូលដ្ឋាន។
នៅក្នុងការចុះបង្ក្រាបនោះ សមត្ថកិច្ចចម្រុះបានធ្វើការដកហូត និងប្រមូលវត្ថុតាងពាក់ព័ន្ធមួយចំនួននៅកន្លែងកើតហេតុ រួមមាន៖ សង្វៀនសម្រាប់ជល់មាន់ ជញ្ជីងថ្លឹងមាន់ កៅអីអង្គុយ និងបន្ទះក្តារ ព្រមទាំងសម្ភារប្រព្រឹត្តបទល្មើសមួយចំនួនទៀត ដើម្បីយកទៅរក្សាទុក និងចាត់វិធានការបន្តតាមនីតិវិធីច្បាប់។
តំណាងអាជ្ញាធរស្រុកដំណាក់ចង្អើរបានបញ្ជាក់ថា រដ្ឋបាលស្រុកនឹងបន្តពង្រឹងការត្រួតពិនិត្យ ព្រមទាំងរឹតបន្តឹងវិធានការបង្ក្រាបជាប្រចាំចំពោះរាល់បទល្មើសល្បែងស៊ីសងខុសច្បាប់គ្រប់ប្រភេទនៅក្នុងភូមិសាស្ត្ររបស់ខ្លួន ដើម្បីធានាឲ្យបាននូវសន្តិសុខ សណ្តាប់ធ្នាប់សាធារណៈ និងសុវត្ថិភាពជូនប្រជាពលរដ្ឋ ស្របតាមគោលនយោបាយភូមិ-ឃុំ-សង្កាត់មានសុវត្ថិភាព។

ខេត្តកែប៖ កងកម្លាំងចម្រុះស្រុកដំណាក់ចង្អើរ ក្រោមការដឹកនាំផ្ទាល់ពីលោក ឆាង ឆៃ អភិបាល នៃគណៈអភិបាលស្រុក បានចុះប្រតិបត្តិការទប់ស្កាត់ និងបង្ក្រាបទីតាំងល្បែងស៊ីសងខុសច្បាប់ (ជល់មាន់) មួយកន្លែង កាលពីថ្ងៃទី១០ ខែវិច្ឆិកា ឆ្នាំ២០២៦ ស្ថិតនៅចំណុចភូមិអន្ទង់ស ឃុំពងទឹក ស្រុកដំណាក់ចង្អើរ ខេត្តកែប។
ប្រតិបត្តិការនេះបានធ្វើឡើង បន្ទាប់ពីមានការធ្លាយព័ត៌មាន និងការរាយការណ៍អំពីសកម្មភាពបើកលេងល្បែងជល់មាន់ខុសច្បាប់នៅទីតាំងខាងលើអស់រយៈពេលជិតមួយខែកន្លងមក ដែលបង្កឲ្យមានការរះគន់ និងហួសចិត្តយ៉ាងខ្លាំងពីសំណាក់ប្រជាពលរដ្ឋនៅក្នុងមូលដ្ឋាន។
នៅក្នុងការចុះបង្ក្រាបនោះ សមត្ថកិច្ចចម្រុះបានធ្វើការដកហូត និងប្រមូលវត្ថុតាងពាក់ព័ន្ធមួយចំនួននៅកន្លែងកើតហេតុ រួមមាន៖ សង្វៀនសម្រាប់ជល់មាន់ ជញ្ជីងថ្លឹងមាន់ កៅអីអង្គុយ និងបន្ទះក្តារ ព្រមទាំងសម្ភារប្រព្រឹត្តបទល្មើសមួយចំនួនទៀត ដើម្បីយកទៅរក្សាទុក និងចាត់វិធានការបន្តតាមនីតិវិធីច្បាប់។
តំណាងអាជ្ញាធរស្រុកដំណាក់ចង្អើរបានបញ្ជាក់ថា រដ្ឋបាលស្រុកនឹងបន្តពង្រឹងការត្រួតពិនិត្យ ព្រមទាំងរឹតបន្តឹងវិធានការបង្ក្រាបជាប្រចាំចំពោះរាល់បទល្មើសល្បែងស៊ីសងខុសច្បាប់គ្រប់ប្រភេទនៅក្នុងភូមិសាស្ត្ររបស់ខ្លួន ដើម្បីធានាឲ្យបាននូវសន្តិសុខ សណ្តាប់ធ្នាប់សាធារណៈ និងសុវត្ថិភាពជូនប្រជាពលរដ្ឋ ស្របតាមគោលនយោបាយភូមិ-ឃុំ-សង្កាត់មានសុវត្ថិភាព។

