ឯកឧត្តម ម៉ៅ ធនិន អភិបាលខេត្តកំពត បានដាក់បទបញ្ជាយ៉ាងម៉ឺងម៉ាត់ដល់អាជ្ញាធរក្រុង-ស្រុកទាំង៩ និងមន្ទីរជំនាញពាក់ព័ន្ធ ឱ្យចុះតាមដាន និងពិនិត្យមើលការអនុវត្តសៀវភៅបន្ទុករបស់អ្នកវិនិយោគផ្សារទាំងអស់នៅទូទាំងខេត្ត ដោយព្រមានថានឹងបញ្ចប់កិច្ចសន្យា និងស្វែងរកអ្នកវិនិយោគថ្មីមកជំនួសវិញ ប្រសិនបើរកឃើញថាមានការខកខាន ឬមិនបានអនុវត្តត្រឹមត្រូវតាមលក្ខខណ្ឌកំណត់។
ការថ្លែងនេះត្រូវបានធ្វើឡើងក្នុងកិច្ចប្រជុំសាមញ្ញលើកទី២៩ របស់ក្រុមប្រឹក្សាខេត្តកំពត អាណត្តិទី៤ ក្រោមអធិបតីភាព ឯកឧត្តម តាក ហាប់ ប្រធានក្រុមប្រឹក្សាខេត្ត នៅព្រឹកថ្ងៃទី១៤ ខែតុលា ឆ្នាំ២០២៦ នាសាលសន្និសីទបូកគោ។
ចំណុចសំខាន់ៗនៃសេចក្តីប្រកាស៖
បញ្ហាបរិស្ថាន និងសេវាកម្ម៖ ឯកឧត្តមអភិបាលខេត្តបានសង្កេតឃើញថា ក្នុងរយៈពេល ៥ឆ្នាំកន្លងមកនេះ អ្នកវិនិយោគផ្សារទាំង៩ ក្រុង-ស្រុក ភាគច្រើនមិនបានអនុវត្តតាមសៀវភៅបន្ទុកនោះឡើយ ដែលបណ្តាលឱ្យមានបញ្ហាបរិស្ថានមិនស្អាត កខ្វក់ គ្មានប្រព័ន្ធលូដោះទឹក និងខ្វះការចាក់បេតុងជុំវិញបរិវេណផ្សារ ដែលធ្វើឱ្យប៉ះពាល់ដល់សុខភាព សុវត្ថិភាព និងការលក់ដូររបស់បងប្អូនអាជីវករ ព្រមទាំងការដើរទិញទំនិញរបស់ភ្ញៀវទេសចរ។
វិធានការតឹងរឹង៖ ប្រសិនបើការត្រួតពិនិត្យបង្ហាញថាអ្នកវិនិយោគមិនបានបំពេញតាមការសន្យាក្នុងសៀវភៅបន្ទុកទេ រដ្ឋបាលខេត្តនឹងរៀបចំឱ្យមានការបោះឆ្នោតទម្លាក់ដោយផ្ទាល់ពីសំណាក់អាជីវករក្នុងផ្សារ ដើម្បីបញ្ចប់កិច្ចសន្យា និងដកហគម្រោងគ្រប់គ្រងប្រគល់ជូនអ្នកវិនិយោគថ្មីដែលមានឆន្ទៈពិតប្រាកដ។
ការត្រៀមរៀបចំពិធីបុណ្យអុំទូក៖ ក្នុងឱកាសជាមួយគ្នានេះ ឯកឧត្តម ម៉ៅ ធនិន ក៏បានប្រកាសពីការរៀបចំការប្រណាំងទូកបណ្តែតប្រទីប និងសំពះព្រះខែ រយៈពេល៣ថ្ងៃ ដែលនឹងប្រព្រឹត្តទៅចាប់ពីថ្ងៃទី២៣ ដល់ថ្ងៃទី២៥ ខែវិច្ឆិកា ឆ្នាំ២០២៦ នៅលើឆ្នេរខ្សាច់ចន្លោះស្ពានឥន្ទធនូ និងស្ពានថ្ម មុខរូបសំណាកបាតដៃសុភមង្គល ដើម្បីទាក់ទាញភ្ញៀវទេសចរ និងលើកស្ទួយជីវភាពប្រជាពលរដ្ឋក្នុងខេត្តផងដែរ

ឯកឧត្តម ម៉ៅ ធនិន អភិបាលខេត្តកំពត បានដាក់បទបញ្ជាយ៉ាងម៉ឺងម៉ាត់ដល់អាជ្ញាធរក្រុង-ស្រុកទាំង៩ និងមន្ទីរជំនាញពាក់ព័ន្ធ ឱ្យចុះតាមដាន និងពិនិត្យមើលការអនុវត្តសៀវភៅបន្ទុករបស់អ្នកវិនិយោគផ្សារទាំងអស់នៅទូទាំងខេត្ត ដោយព្រមានថានឹងបញ្ចប់កិច្ចសន្យា និងស្វែងរកអ្នកវិនិយោគថ្មីមកជំនួសវិញ ប្រសិនបើរកឃើញថាមានការខកខាន ឬមិនបានអនុវត្តត្រឹមត្រូវតាមលក្ខខណ្ឌកំណត់។
ការថ្លែងនេះត្រូវបានធ្វើឡើងក្នុងកិច្ចប្រជុំសាមញ្ញលើកទី២៩ របស់ក្រុមប្រឹក្សាខេត្តកំពត អាណត្តិទី៤ ក្រោមអធិបតីភាព ឯកឧត្តម តាក ហាប់ ប្រធានក្រុមប្រឹក្សាខេត្ត នៅព្រឹកថ្ងៃទី១៤ ខែតុលា ឆ្នាំ២០២៦ នាសាលសន្និសីទបូកគោ។
ចំណុចសំខាន់ៗនៃសេចក្តីប្រកាស៖
បញ្ហាបរិស្ថាន និងសេវាកម្ម៖ ឯកឧត្តមអភិបាលខេត្តបានសង្កេតឃើញថា ក្នុងរយៈពេល ៥ឆ្នាំកន្លងមកនេះ អ្នកវិនិយោគផ្សារទាំង៩ ក្រុង-ស្រុក ភាគច្រើនមិនបានអនុវត្តតាមសៀវភៅបន្ទុកនោះឡើយ ដែលបណ្តាលឱ្យមានបញ្ហាបរិស្ថានមិនស្អាត កខ្វក់ គ្មានប្រព័ន្ធលូដោះទឹក និងខ្វះការចាក់បេតុងជុំវិញបរិវេណផ្សារ ដែលធ្វើឱ្យប៉ះពាល់ដល់សុខភាព សុវត្ថិភាព និងការលក់ដូររបស់បងប្អូនអាជីវករ ព្រមទាំងការដើរទិញទំនិញរបស់ភ្ញៀវទេសចរ។
វិធានការតឹងរឹង៖ ប្រសិនបើការត្រួតពិនិត្យបង្ហាញថាអ្នកវិនិយោគមិនបានបំពេញតាមការសន្យាក្នុងសៀវភៅបន្ទុកទេ រដ្ឋបាលខេត្តនឹងរៀបចំឱ្យមានការបោះឆ្នោតទម្លាក់ដោយផ្ទាល់ពីសំណាក់អាជីវករក្នុងផ្សារ ដើម្បីបញ្ចប់កិច្ចសន្យា និងដកហគម្រោងគ្រប់គ្រងប្រគល់ជូនអ្នកវិនិយោគថ្មីដែលមានឆន្ទៈពិតប្រាកដ។
ការត្រៀមរៀបចំពិធីបុណ្យអុំទូក៖ ក្នុងឱកាសជាមួយគ្នានេះ ឯកឧត្តម ម៉ៅ ធនិន ក៏បានប្រកាសពីការរៀបចំការប្រណាំងទូកបណ្តែតប្រទីប និងសំពះព្រះខែ រយៈពេល៣ថ្ងៃ ដែលនឹងប្រព្រឹត្តទៅចាប់ពីថ្ងៃទី២៣ ដល់ថ្ងៃទី២៥ ខែវិច្ឆិកា ឆ្នាំ២០២៦ នៅលើឆ្នេរខ្សាច់ចន្លោះស្ពានឥន្ទធនូ និងស្ពានថ្ម មុខរូបសំណាកបាតដៃសុភមង្គល ដើម្បីទាក់ទាញភ្ញៀវទេសចរ និងលើកស្ទួយជីវភាពប្រជាពលរដ្ឋក្នុងខេត្តផងដែរ

