ខេត្តកំពត៖ សកម្មភាពកាយ និងឈូសឆាយដីភ្នំមួយកន្លែង ស្ថិតនៅក្នុងភូមិខ្នាចប្រិយ ឃុំស្រែជាខាងជើង ស្រុកដងទង់ ខេត្តកំពត កំពុងរងការរិះគន់ និងបង្កើតជាមន្ទិលសង្ស័យយ៉ាងខ្លាំងពីសំណាក់ប្រជាពលរដ្ឋ និងក្រុមអ្នករកស៊ីគ្រឿងចក្រក្នុងមូលដ្ឋាន ជុំវិញភាពស្របច្បាប់នៃសកម្មភាពអាជីវកម្មមួយនេះ។
ប្រភពពីប្រជាពលរដ្ឋក្នុងមូលដ្ឋានបានឱ្យដឹងថា សកម្មភាពកាយដីភ្នំដែលជាសម្បត្តិសាធារណៈរបស់រដ្ឋ ដើម្បីដឹកជញ្ជូនយកទៅលក់បន្តនោះ ត្រូវបានក្រុមអ្នកកាយដីអះអាងប្រាប់អ្នកសារព័ត៌មានថា ពួកគេជា «ក្រុមពិសេស» ដោយបានយកឈ្មោះថ្នាក់ដឹកនាំខេត្តកំពតមកប្រើប្រាស់ និងបញ្ជាក់ថា សកម្មភាពកាយដីនេះគឺដើម្បី «យកទៅធ្វើផ្លូវជូនប្រជាពលរដ្ឋ»។
ករណីនេះបានបង្កើតជាមន្ទិល និងសំណួរចោទដោលជាច្រើនពីមហាជន៖
១. តើសកម្មភាពកាយដីភ្នំនេះមានច្បាប់អនុញ្ញាតត្រឹមត្រូវកម្រិតណា?
២. តើអាជ្ញាធរថ្នាក់ស្រុកមានសិទ្ធិអំណាចតាមផ្លូវច្បាប់ ក្នុងការចេញអាជ្ញាប័ណ្ណ ឬលិខិតអនុញ្ញាតឱ្យធ្វើសកម្មភាពកាយដីភ្នំ ជំនួសក្រសួងរ៉ែ និងថាមពល ឬរដ្ឋបាលខេត្តដែរឬទេ?
៣. ប្រសិនបើការកាយដីនេះធ្វើឡើងដើម្បីស្ថាបនាផ្លូវជូនប្រជាពលរដ្ឋមែន តើភាគីពាក់ព័ន្ធបានស្នើសុំកញ្ចប់ថវិការដ្ឋ ឬធ្វើឡើងដោយឥតគិតថ្លៃ? ឬមួយក៏ជាការកេងចំណេញផលប្រយោជន៍ពីធនធានធម្មជាតិរបស់រដ្ឋ ក្រោមរូបភាព «កន្ទេលធំប្រឡំដេក»?
ទិដ្ឋភាពផ្លូវច្បាប់ស្តីពីធនធានរ៉ែ៖
យោងតាម ច្បាប់ស្តីពីការគ្រប់គ្រង និងការធ្វើអាជីវកម្មធនធានរ៉ែ នៃព្រះរាជាណាចក្រកម្ពុជា ការជីក កាយ ឬដឹកជញ្ជូនដី ថ្ម ខ្សាច់ (រ៉ែសំណង់) ដើម្បីធ្វើអាជីវកម្ម ទាមទារឱ្យមាន «អាជ្ញាប័ណ្ណអណ្តូងរ៉ែបើក និងការដ្ឋានវាយថ្ម» ដែលចេញដោយក្រសួងរ៉ែ និងថាមពល ឬមន្ទីររ៉ែ និងថាមពលខេត្ត (ទៅតាមទំហំដែនសមត្ថកិច្ចដែលច្បាប់បានកំណត់)។
អាជ្ញាធរថ្នាក់ស្រុក ឬឃុំ-សង្កាត់ គ្មានសមត្ថកិច្ច ក្នុងការចេញអាជ្ញាប័ណ្ណ ឬលិខិតអនុញ្ញាតឱ្យធ្វើអាជីវកម្មរ៉ែឡើយ។ លើសពីនេះ រាល់ការកាយដីភ្នំ ឬដីសាធារណៈរបស់រដ្ឋ ទោះជាស្ថិតក្រោមហេតុផលអភិវឌ្ឍន៍មូលដ្ឋានក៏ដោយ ក៏ត្រូវតែមានការសិក្សាវាយតម្លៃផលប៉ះពាល់បរិស្ថាន និងមានការអនុញ្ញាតជាផ្លូវការពីក្រសួង-ស្ថាប័នជំនាញផងដែរ។ រាល់សកម្មភាពជីកយកធនធានរ៉ែដោយគ្មានអាជ្ញាប័ណ្ណ ត្រូវចាត់ទុកជាបទល្មើសរ៉ែខុសច្បាប់។
ជុំវិញការចោទប្រកាន់ និងមន្ទិលសង្ស័យខាងលើ អង្គភាពសារព័ត៌មានយើងមិនទាន់អាចសុំការបំភ្លឺពីអាជ្ញាធរដែនដីពាក់ព័ន្ធ ឬមន្ត្រីជំនាញនៃមន្ទីររ៉ែ និងថាមពលខេត្តកំពតបាននៅឡើយទេ ដោយសារមន្ត្រីមួយចំនួនជាប់រវល់ប្រជុំ និងមួយចំនួនទៀតកំពុងអវត្តមានក្នុងបេសកកម្ម ឬធ្វើដំណើរទៅវត្តអារាម ក្នុងឱកាសរដូវបុណ្យភ្ជុំបិណ្ឌ។
អង្គភាពសារព័ត៌មានយើង រង់ចាំទទួលការបំភ្លឺ និងបកស្រាយជានិច្ចពីគ្រប់ភាគីពាក់ព័ន្ធ រួមទាំងរដ្ឋបាលខេត្តកំពត និងមន្ទីរជំនាញ ដើម្បីជម្រះមន្ទិលសង្ស័យរបស់សាធារណជន និងផ្តល់ព័ត៌មានប្រកបដោយតុល្យភាព តម្លាភាព និងយុត្តិធម៌ ៕
ភាពនិងអត្ថបទលោកឈិតភារម្យ

ខេត្តកំពត៖ សកម្មភាពកាយ និងឈូសឆាយដីភ្នំមួយកន្លែង ស្ថិតនៅក្នុងភូមិខ្នាចប្រិយ ឃុំស្រែជាខាងជើង ស្រុកដងទង់ ខេត្តកំពត កំពុងរងការរិះគន់ និងបង្កើតជាមន្ទិលសង្ស័យយ៉ាងខ្លាំងពីសំណាក់ប្រជាពលរដ្ឋ និងក្រុមអ្នករកស៊ីគ្រឿងចក្រក្នុងមូលដ្ឋាន ជុំវិញភាពស្របច្បាប់នៃសកម្មភាពអាជីវកម្មមួយនេះ។
ប្រភពពីប្រជាពលរដ្ឋក្នុងមូលដ្ឋានបានឱ្យដឹងថា សកម្មភាពកាយដីភ្នំដែលជាសម្បត្តិសាធារណៈរបស់រដ្ឋ ដើម្បីដឹកជញ្ជូនយកទៅលក់បន្តនោះ ត្រូវបានក្រុមអ្នកកាយដីអះអាងប្រាប់អ្នកសារព័ត៌មានថា ពួកគេជា «ក្រុមពិសេស» ដោយបានយកឈ្មោះថ្នាក់ដឹកនាំខេត្តកំពតមកប្រើប្រាស់ និងបញ្ជាក់ថា សកម្មភាពកាយដីនេះគឺដើម្បី «យកទៅធ្វើផ្លូវជូនប្រជាពលរដ្ឋ»។
ករណីនេះបានបង្កើតជាមន្ទិល និងសំណួរចោទដោលជាច្រើនពីមហាជន៖
១. តើសកម្មភាពកាយដីភ្នំនេះមានច្បាប់អនុញ្ញាតត្រឹមត្រូវកម្រិតណា?
២. តើអាជ្ញាធរថ្នាក់ស្រុកមានសិទ្ធិអំណាចតាមផ្លូវច្បាប់ ក្នុងការចេញអាជ្ញាប័ណ្ណ ឬលិខិតអនុញ្ញាតឱ្យធ្វើសកម្មភាពកាយដីភ្នំ ជំនួសក្រសួងរ៉ែ និងថាមពល ឬរដ្ឋបាលខេត្តដែរឬទេ?
៣. ប្រសិនបើការកាយដីនេះធ្វើឡើងដើម្បីស្ថាបនាផ្លូវជូនប្រជាពលរដ្ឋមែន តើភាគីពាក់ព័ន្ធបានស្នើសុំកញ្ចប់ថវិការដ្ឋ ឬធ្វើឡើងដោយឥតគិតថ្លៃ? ឬមួយក៏ជាការកេងចំណេញផលប្រយោជន៍ពីធនធានធម្មជាតិរបស់រដ្ឋ ក្រោមរូបភាព «កន្ទេលធំប្រឡំដេក»?
ទិដ្ឋភាពផ្លូវច្បាប់ស្តីពីធនធានរ៉ែ៖
យោងតាម ច្បាប់ស្តីពីការគ្រប់គ្រង និងការធ្វើអាជីវកម្មធនធានរ៉ែ នៃព្រះរាជាណាចក្រកម្ពុជា ការជីក កាយ ឬដឹកជញ្ជូនដី ថ្ម ខ្សាច់ (រ៉ែសំណង់) ដើម្បីធ្វើអាជីវកម្ម ទាមទារឱ្យមាន «អាជ្ញាប័ណ្ណអណ្តូងរ៉ែបើក និងការដ្ឋានវាយថ្ម» ដែលចេញដោយក្រសួងរ៉ែ និងថាមពល ឬមន្ទីររ៉ែ និងថាមពលខេត្ត (ទៅតាមទំហំដែនសមត្ថកិច្ចដែលច្បាប់បានកំណត់)។
អាជ្ញាធរថ្នាក់ស្រុក ឬឃុំ-សង្កាត់ គ្មានសមត្ថកិច្ច ក្នុងការចេញអាជ្ញាប័ណ្ណ ឬលិខិតអនុញ្ញាតឱ្យធ្វើអាជីវកម្មរ៉ែឡើយ។ លើសពីនេះ រាល់ការកាយដីភ្នំ ឬដីសាធារណៈរបស់រដ្ឋ ទោះជាស្ថិតក្រោមហេតុផលអភិវឌ្ឍន៍មូលដ្ឋានក៏ដោយ ក៏ត្រូវតែមានការសិក្សាវាយតម្លៃផលប៉ះពាល់បរិស្ថាន និងមានការអនុញ្ញាតជាផ្លូវការពីក្រសួង-ស្ថាប័នជំនាញផងដែរ។ រាល់សកម្មភាពជីកយកធនធានរ៉ែដោយគ្មានអាជ្ញាប័ណ្ណ ត្រូវចាត់ទុកជាបទល្មើសរ៉ែខុសច្បាប់។
ជុំវិញការចោទប្រកាន់ និងមន្ទិលសង្ស័យខាងលើ អង្គភាពសារព័ត៌មានយើងមិនទាន់អាចសុំការបំភ្លឺពីអាជ្ញាធរដែនដីពាក់ព័ន្ធ ឬមន្ត្រីជំនាញនៃមន្ទីររ៉ែ និងថាមពលខេត្តកំពតបាននៅឡើយទេ ដោយសារមន្ត្រីមួយចំនួនជាប់រវល់ប្រជុំ និងមួយចំនួនទៀតកំពុងអវត្តមានក្នុងបេសកកម្ម ឬធ្វើដំណើរទៅវត្តអារាម ក្នុងឱកាសរដូវបុណ្យភ្ជុំបិណ្ឌ។
អង្គភាពសារព័ត៌មានយើង រង់ចាំទទួលការបំភ្លឺ និងបកស្រាយជានិច្ចពីគ្រប់ភាគីពាក់ព័ន្ធ រួមទាំងរដ្ឋបាលខេត្តកំពត និងមន្ទីរជំនាញ ដើម្បីជម្រះមន្ទិលសង្ស័យរបស់សាធារណជន និងផ្តល់ព័ត៌មានប្រកបដោយតុល្យភាព តម្លាភាព និងយុត្តិធម៌ ៕
ភាពនិងអត្ថបទលោកឈិតភារម្យ

