កំពត៖ នៅព្រឹកថ្ងៃទី០៣ ខែតុលា ឆ្នាំ២០២៦ លោក អូន ខន អភិបាល នៃគណៈអភិបាលស្រុកកំពង់ត្រាច អមដំណើរដោយលោកអភិបាលរងស្រុក និងក្រុមការងារ បានអញ្ជើញចុះសួរសុខទុក្ខដោយផ្ទាល់ជូនចំពោះ លោក ព្រំ អ៊ន មេឃុំដំណាក់កន្ទួតខាងជើង ដល់ផ្ទះរបស់លោកដែលស្ថិតនៅភូមិអូរពពូល ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត បន្ទាប់ពីលោកទើបតែបានបញ្ចប់ការសម្រាកព្យាបាលជំងឺ និងត្រឡប់មកពីប្រទេសវៀតណាមវិញ។
ក្នុងឱកាសសំណេះសំណាលដ៏មានអត្ថន័យនោះ លោកអភិបាលស្រុកបានសម្តែងនូវក្ដីបារម្ភ និងបានពាំនាំនូវការសាកសួរសុខទុក្ខយ៉ាងយកចិត្តទុកដាក់ចំពោះស្ថានភាពសុខភាពរបស់លោកមេឃុំ និងក្រុមគ្រួសារ។ លោក អូន ខន បានជូនពរឱ្យលោក ព្រំ អ៊ន ឆាប់ទទួលបានការជាសះស្បើយពេញលេញ ដើម្បីមានកម្លាំងពលំរ៉ឹងមាំក្នុងការបន្តបេសកកម្មដឹកនាំ អភិវឌ្ឍន៍ និងបម្រើផលប្រយោជន៍ជូនប្រជាពលរដ្ឋនៅក្នុងមូលដ្ឋានឃុំដំណាក់កន្ទួតខាងជើងបន្តទៀត។
ជាការឆ្លើយតប លោក ព្រំ អ៊ន មេឃុំដំណាក់កន្ទួតខាងជើង ព្រមទាំងសមាជិក សមាជិការក្រុមប្រឹក្សាឃុំ និងក្រុមគ្រួសារ បានសម្តែងនូវសេចក្តីរំភើប និងថ្លែងអំណរគុណយ៉ាងជ្រាលជ្រៅចំពោះ លោកអភិបាលស្រុក និងប្រតិភូរួមដំណើរទាំងអស់ ដែលតែងតែយកចិត្តទុកដាក់ សហការ និងផ្តល់ការគាំទ្រផ្នែកស្មារតីយ៉ាងកក់ក្តៅដល់មន្ត្រីថ្នាក់ក្រោមជាតិគ្រប់ពេលវេលា។
ដើម្បីជួយសម្រាលបន្ទុកជីវភាព និងការចំណាយលើការថែទាំសុខភាព គណៈប្រតិភូរដ្ឋបាលស្រុកកំពង់ត្រាច ក៏បាននាំយកថវិកាឧបត្ថម្ភចំនួន ១,៥០០,០០០ រៀល (មួយលានហាសិបម៉ឺនរៀល) ប្រគល់ជូនលោកមេឃុំ សម្រាប់រៀបចំប្រើប្រាស់តាមតម្រូវការចាំបាច់ក្នុងគ្រួសារផងដែរ។
អត្ថបទ និងរូបភាព៖ លោក អ៊ួង វឹង

កំពត៖ នៅព្រឹកថ្ងៃទី០៣ ខែតុលា ឆ្នាំ២០២៦ លោក អូន ខន អភិបាល នៃគណៈអភិបាលស្រុកកំពង់ត្រាច អមដំណើរដោយលោកអភិបាលរងស្រុក និងក្រុមការងារ បានអញ្ជើញចុះសួរសុខទុក្ខដោយផ្ទាល់ជូនចំពោះ លោក ព្រំ អ៊ន មេឃុំដំណាក់កន្ទួតខាងជើង ដល់ផ្ទះរបស់លោកដែលស្ថិតនៅភូមិអូរពពូល ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត បន្ទាប់ពីលោកទើបតែបានបញ្ចប់ការសម្រាកព្យាបាលជំងឺ និងត្រឡប់មកពីប្រទេសវៀតណាមវិញ។
ក្នុងឱកាសសំណេះសំណាលដ៏មានអត្ថន័យនោះ លោកអភិបាលស្រុកបានសម្តែងនូវក្ដីបារម្ភ និងបានពាំនាំនូវការសាកសួរសុខទុក្ខយ៉ាងយកចិត្តទុកដាក់ចំពោះស្ថានភាពសុខភាពរបស់លោកមេឃុំ និងក្រុមគ្រួសារ។ លោក អូន ខន បានជូនពរឱ្យលោក ព្រំ អ៊ន ឆាប់ទទួលបានការជាសះស្បើយពេញលេញ ដើម្បីមានកម្លាំងពលំរ៉ឹងមាំក្នុងការបន្តបេសកកម្មដឹកនាំ អភិវឌ្ឍន៍ និងបម្រើផលប្រយោជន៍ជូនប្រជាពលរដ្ឋនៅក្នុងមូលដ្ឋានឃុំដំណាក់កន្ទួតខាងជើងបន្តទៀត។
ជាការឆ្លើយតប លោក ព្រំ អ៊ន មេឃុំដំណាក់កន្ទួតខាងជើង ព្រមទាំងសមាជិក សមាជិការក្រុមប្រឹក្សាឃុំ និងក្រុមគ្រួសារ បានសម្តែងនូវសេចក្តីរំភើប និងថ្លែងអំណរគុណយ៉ាងជ្រាលជ្រៅចំពោះ លោកអភិបាលស្រុក និងប្រតិភូរួមដំណើរទាំងអស់ ដែលតែងតែយកចិត្តទុកដាក់ សហការ និងផ្តល់ការគាំទ្រផ្នែកស្មារតីយ៉ាងកក់ក្តៅដល់មន្ត្រីថ្នាក់ក្រោមជាតិគ្រប់ពេលវេលា។
ដើម្បីជួយសម្រាលបន្ទុកជីវភាព និងការចំណាយលើការថែទាំសុខភាព គណៈប្រតិភូរដ្ឋបាលស្រុកកំពង់ត្រាច ក៏បាននាំយកថវិកាឧបត្ថម្ភចំនួន ១,៥០០,០០០ រៀល (មួយលានហាសិបម៉ឺនរៀល) ប្រគល់ជូនលោកមេឃុំ សម្រាប់រៀបចំប្រើប្រាស់តាមតម្រូវការចាំបាច់ក្នុងគ្រួសារផងដែរ។
អត្ថបទ និងរូបភាព៖ លោក អ៊ួង វឹង

