ខេត្តកំពង់ស្ពឺ៖ ប្រជាពលរដ្ឋជាច្រើនគ្រួសាររស់នៅក្នុងភូមិដំណាក់ពង្រ ឃុំព្រៃវិហារ ស្រុកគងពិសី ខេត្តកំពង់ស្ពឺ បានផ្ទុះការតវ៉ាទាំងកណ្តាលអាធ្រាត្រ និងបានអំពាវនាវយ៉ាងទទូចដល់អាជ្ញាធរមានសមត្ថកិច្ចគ្រប់លំដាប់ថ្នាក់ ឱ្យជួយចុះពិនិត្យ និងមានវិធានការក្តៅជាបន្ទាន់លើសិប្បកម្មផលិតថ្នាំជក់ យីហោ «កោះប៉ែន» ដែលបានលួចបើកខ្សែសង្វាក់ផលិតកម្មឡើងវិញ បង្កផលប៉ះពាល់យ៉ាងធ្ងន់ធ្ងរដល់សុខមាលភាពពលរដ្ឋ។
ការផ្ទុះកំហឹងតវ៉ារបស់ប្រជាពលរដ្ឋនេះ បានធ្វើឡើងបន្ទាប់ពីម្ចាស់សិប្បកម្មខាងលើ បានបើកដំណើរការល្មើសនឹងការណែនាំ ខណៈដែលកន្លងមក មន្ទីរឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ខេត្ត រួមជាមួយរដ្ឋបាលខេត្តកំពង់ស្ពឺ បានសម្រេចបិទទីតាំងនេះជាបណ្តោះអាសន្នអស់រយៈពេលជាច្រើនខែមកហើយ ព្រោះតែសិប្បកម្មនេះដំណើរការមិនត្រឹមត្រូវតាមលក្ខណៈបទដ្ឋានបច្ចេកទេស ធ្វើឱ្យជះផ្សែង និងក្លិនឈួលប៉ះពាល់ដល់សុខភាពប្រជាពលរដ្ឋ និងបរិស្ថានក្នុងតំបន់។
លួចផលិតពេលយប់ បង្កផ្សែងពុលសាយភាយពេញភូមិដ្ឋាន
គិតត្រឹមថ្ងៃទី០៥ ខែកក្កដា ឆ្នាំ២០២៦ នេះ ប្រជាពលរដ្ឋនៅក្នុងភូមិដំណាក់ពង្រ បានសម្តែងការព្រួយបារម្ភយ៉ាងខ្លាំង និងបានរាយការណ៍ថា ទោះជាមានការហាមឃាត់ និងផ្អាកពីអាជ្ញាធរក៏ដោយ ក៏បច្ចុប្បន្នសិប្បកម្មនេះបានផ្លាស់ប្តូរល្បិចកល មកលួចបើកដំណើរការផលិតសារជាថ្មីនៅពេលយប់វិញ៖
ពេលវេលាធ្វើសកម្មភាព៖ ចាប់ពីម៉ោង ១០ យប់ រហូតដល់កណ្តាលអាធ្រាត្រ និងជិតភ្លឺ។
ផលប៉ះពាល់ជាក់ស្តែង៖ ជះផ្សែង និងបង្កជាក្លិនឈួលពុលយ៉ាងខ្លាំង សាយភាយពេញភូមិដ្ឋាន ធ្វើឱ្យអ្នកភូមិទ្រាំរស់នៅមិនបាន និងប៉ះពាល់ដល់ការសម្រាកដេកពួនជាខ្លាំង ជាពិសេសចាស់ជរា និងកុមារតូចៗ។
សំណូមពរពលរដ្ឋ ទៅកាន់រដ្ឋបាលខេត្តកំពង់ស្ពឺ
«ពួកយើងមិនអាចទ្រាំរស់នៅទាំងភ័យខ្លាច និងខូចសុខភាពបែបនេះទៀតបានទេ។ សិប្បកម្មនេះហ៊ានលួចធ្វើសកម្មភាពប្រឆាំងនឹងចំណាត់ការរបស់មន្ត្រីជំនាញ និងរដ្ឋបាលខេត្តយ៉ាងចំហ ដូច្នេះសូមច្បាប់ចាត់វិធានការឱ្យតឹងរ៉ឹងបំផុត»។ នេះជាការលើកឡើងទាំងក្តីកង្វល់របស់តំណាងប្រជាពលរដ្ឋ។
ប្រជាពលរដ្ឋក្នុងមូលដ្ឋាន បានសំណូមពរយ៉ាងទទូចដល់អាជ្ញាធរមូលដ្ឋាន ព្រមទាំងក្រសួង-ស្ថាប័នពាក់ព័ន្ធ មេត្តាចុះត្រួតពិនិត្យឡើងវិញជាបន្ទាន់ ដើម្បីធានាសុវត្ថិភាព សុខភាព និងបរិស្ថានរស់នៅរបស់ពលរដ្ឋឱ្យបានវិលត្រឡប់មកធម្មតាវិញ។
ពាក់ព័ន្ធនឹងការរាយការណ៍ និងការតវ៉ារបស់ប្រជាពលរដ្ឋខាងលើនេះ អង្គភាពសារព័ត៌មានយើង មិនទាន់អាចសុំការបំភ្លឺពីអាជ្ញាធរស្រុកគងពិសី និងមន្ត្រីជំនាញនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តកំពង់ស្ពឺ បាននៅឡើយទេ គិតត្រឹមព្រឹកថ្ងៃចន្ទនេះ។ អង្គភាពយើងនឹងបន្តរង់ចាំការបកស្រាយពីគ្រប់ភាគីពាក់ព័ន្ធនៅពេលក្រោយ ដើម្បីផ្សាយជូនតាមរបបសារព័ត៌មាន៕
ខេត្តកំពង់ស្ពឺ៖ ប្រជាពលរដ្ឋជាច្រើនគ្រួសាររស់នៅក្នុងភូមិដំណាក់ពង្រ ឃុំព្រៃវិហារ ស្រុកគងពិសី ខេត្តកំពង់ស្ពឺ បានផ្ទុះការតវ៉ាទាំងកណ្តាលអាធ្រាត្រ និងបានអំពាវនាវយ៉ាងទទូចដល់អាជ្ញាធរមានសមត្ថកិច្ចគ្រប់លំដាប់ថ្នាក់ ឱ្យជួយចុះពិនិត្យ និងមានវិធានការក្តៅជាបន្ទាន់លើសិប្បកម្មផលិតថ្នាំជក់ យីហោ «កោះប៉ែន» ដែលបានលួចបើកខ្សែសង្វាក់ផលិតកម្មឡើងវិញ បង្កផលប៉ះពាល់យ៉ាងធ្ងន់ធ្ងរដល់សុខមាលភាពពលរដ្ឋ។
ការផ្ទុះកំហឹងតវ៉ារបស់ប្រជាពលរដ្ឋនេះ បានធ្វើឡើងបន្ទាប់ពីម្ចាស់សិប្បកម្មខាងលើ បានបើកដំណើរការល្មើសនឹងការណែនាំ ខណៈដែលកន្លងមក មន្ទីរឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ខេត្ត រួមជាមួយរដ្ឋបាលខេត្តកំពង់ស្ពឺ បានសម្រេចបិទទីតាំងនេះជាបណ្តោះអាសន្នអស់រយៈពេលជាច្រើនខែមកហើយ ព្រោះតែសិប្បកម្មនេះដំណើរការមិនត្រឹមត្រូវតាមលក្ខណៈបទដ្ឋានបច្ចេកទេស ធ្វើឱ្យជះផ្សែង និងក្លិនឈួលប៉ះពាល់ដល់សុខភាពប្រជាពលរដ្ឋ និងបរិស្ថានក្នុងតំបន់។
លួចផលិតពេលយប់ បង្កផ្សែងពុលសាយភាយពេញភូមិដ្ឋាន
គិតត្រឹមថ្ងៃទី០៥ ខែកក្កដា ឆ្នាំ២០២៦ នេះ ប្រជាពលរដ្ឋនៅក្នុងភូមិដំណាក់ពង្រ បានសម្តែងការព្រួយបារម្ភយ៉ាងខ្លាំង និងបានរាយការណ៍ថា ទោះជាមានការហាមឃាត់ និងផ្អាកពីអាជ្ញាធរក៏ដោយ ក៏បច្ចុប្បន្នសិប្បកម្មនេះបានផ្លាស់ប្តូរល្បិចកល មកលួចបើកដំណើរការផលិតសារជាថ្មីនៅពេលយប់វិញ៖
ពេលវេលាធ្វើសកម្មភាព៖ ចាប់ពីម៉ោង ១០ យប់ រហូតដល់កណ្តាលអាធ្រាត្រ និងជិតភ្លឺ។
ផលប៉ះពាល់ជាក់ស្តែង៖ ជះផ្សែង និងបង្កជាក្លិនឈួលពុលយ៉ាងខ្លាំង សាយភាយពេញភូមិដ្ឋាន ធ្វើឱ្យអ្នកភូមិទ្រាំរស់នៅមិនបាន និងប៉ះពាល់ដល់ការសម្រាកដេកពួនជាខ្លាំង ជាពិសេសចាស់ជរា និងកុមារតូចៗ។
សំណូមពរពលរដ្ឋ ទៅកាន់រដ្ឋបាលខេត្តកំពង់ស្ពឺ
«ពួកយើងមិនអាចទ្រាំរស់នៅទាំងភ័យខ្លាច និងខូចសុខភាពបែបនេះទៀតបានទេ។ សិប្បកម្មនេះហ៊ានលួចធ្វើសកម្មភាពប្រឆាំងនឹងចំណាត់ការរបស់មន្ត្រីជំនាញ និងរដ្ឋបាលខេត្តយ៉ាងចំហ ដូច្នេះសូមច្បាប់ចាត់វិធានការឱ្យតឹងរ៉ឹងបំផុត»។ នេះជាការលើកឡើងទាំងក្តីកង្វល់របស់តំណាងប្រជាពលរដ្ឋ។
ប្រជាពលរដ្ឋក្នុងមូលដ្ឋាន បានសំណូមពរយ៉ាងទទូចដល់អាជ្ញាធរមូលដ្ឋាន ព្រមទាំងក្រសួង-ស្ថាប័នពាក់ព័ន្ធ មេត្តាចុះត្រួតពិនិត្យឡើងវិញជាបន្ទាន់ ដើម្បីធានាសុវត្ថិភាព សុខភាព និងបរិស្ថានរស់នៅរបស់ពលរដ្ឋឱ្យបានវិលត្រឡប់មកធម្មតាវិញ។
ពាក់ព័ន្ធនឹងការរាយការណ៍ និងការតវ៉ារបស់ប្រជាពលរដ្ឋខាងលើនេះ អង្គភាពសារព័ត៌មានយើង មិនទាន់អាចសុំការបំភ្លឺពីអាជ្ញាធរស្រុកគងពិសី និងមន្ត្រីជំនាញនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តកំពង់ស្ពឺ បាននៅឡើយទេ គិតត្រឹមព្រឹកថ្ងៃចន្ទនេះ។ អង្គភាពយើងនឹងបន្តរង់ចាំការបកស្រាយពីគ្រប់ភាគីពាក់ព័ន្ធនៅពេលក្រោយ ដើម្បីផ្សាយជូនតាមរបបសារព័ត៌មាន៕
