(ខេត្តរតនគិរី)៖ រដ្ឋបាលខេត្តរតនគិរី តាមរយៈគណៈបញ្ជាការកងឯកភាពស្រុកកូនមុំ សហការជាមួយសមត្ថកិច្ចពាក់ព័ន្ធ កាលពីថ្ងៃទី១៧ ខែមិថុនា ឆ្នាំ២០២៦ បានបើកប្រតិបត្តិការចុះបង្ក្រាបឡធ្យូងគ្មានច្បាប់អនុញ្ញាតជិត ១០០ឡ ដែលស្ថិតនៅក្បែរតំបន់ការពារធម្មជាតិ ជាប់នឹងព្រំប្រទល់ខេត្តរតនគិរី និងខេត្តស្ទឹងត្រែង ក្នុងភូមិបី ឃុំត្រពាំងក្រហម ស្រុកកូនមុំ។
យោងតាមការបញ្ជាក់ពីសមត្ថកិច្ច ឡធ្យូងខុសច្បាប់ទាំងនេះ គឺជាកត្តាចម្បងមួយដែលដាក់សម្ពាធយ៉ាងធ្ងន់ធ្ងរលើព្រៃឈើ និងជំរុញឱ្យមានការប្រព្រឹត្តបទល្មើសធនធានធម្មជាតិកាន់តែខ្លាំង។ ក្នុងយុទ្ធនាការនេះ អាជ្ញាធរបានប្តេជ្ញាចិត្តខ្ពស់ នឹងបន្តទប់ស្កាត់យ៉ាងម៉ឺងម៉ាត់ មិនឱ្យមានឡធ្យូងខុសច្បាប់កើតឡើងជាថ្មីទៀតឡើយ។
ជុំវិញចំណាត់ការក្តៅនេះ ក្រសួងបរិស្ថានបានសម្តែងការថ្លែងអំណរគុណយ៉ាងជ្រាលជ្រៅចំពោះអាជ្ញាធរមូលដ្ឋានគ្រប់លំដាប់ថ្នាក់ សមត្ថកិច្ចពាក់ព័ន្ធ និងប្រជាពលរដ្ឋក្នុងសហគមន៍ ដែលបានចូលរួមអនុវត្តច្បាប់យ៉ាងតឹងរឹង ក្នុងការទប់ស្កាត់ និងបង្ក្រាបបទល្មើសធនធានធម្មជាតិ ក្នុងតំបន់ការពារធម្មជាតិ ព្រមទាំងចូលរួមជំរុញចលនាពន្លកបៃតង ដើម្បីបង្កើនសុខុមាលភាពរបស់ប្រជាពលរដ្ឋ និងបរិស្ថានស្រស់ស្អាត។
ក្រសួងបរិស្ថាន ក៏បានស្នើឱ្យមានការបន្តសហការចូលរួមអនុវត្តយុទ្ធសាស្ត្រចក្រាវិស័យបរិស្ថាន ដែលផ្តោតលើសសរស្តម្ភអាទិភាពចំនួន ៣ គឺ៖ ភាពស្អាត ភាពបៃតង និងចីរភាព។
ចំពោះមុំ «ភាពបៃតង» ក្រសួងបានដាក់ចេញវិធានការម៉ឺងម៉ាត់បំផុតក្នុងការតាមដានការទន្ទ្រានដីព្រៃឈើ តាមរយៈរូបភាពផ្កាយរណប និងដ្រូន (Drone)។
ជាមួយគ្នានេះ ដើម្បីស្តារ និងពង្រីកគម្របបៃតង ក្រសួងបានសាងសង់ថ្នាលបណ្តុះកូនឈើថ្នាក់តំបន់ចំនួន ៥កន្លែង និងជំរុញការបណ្តុះកូនឈើនៅតាមមន្ទីរបរិស្ថានរាជធានី-ខេត្តទូទាំងប្រទេស សម្រាប់ចែកជូនប្រជាពលរដ្ឋយកទៅដាំដុះដោយឥតគិតថ្លៃ។
ជាពិសេស នៅក្នុងឆ្នាំ២០២៦ នេះ ក្រសួងបរិស្ថាននឹងបន្តចែកកូនឈើចម្រុះជូនប្រជាពលរដ្ឋ តាមរយៈពិព័រណ៍ «ពន្លកបៃតង» ចំនួន ៥លានដើម (ក្នុងនោះមានកូនត្នោតជាង ១លានដើម) ដែលនឹងប្រព្រឹត្តទៅចាប់ពីថ្ងៃទី១០ ដល់ថ្ងៃទី១២ ខែកក្កដា ឆ្នាំ២០២៦ ខាងមុខនេះ នៅបរិវេណមុខទីស្តីការក្រសួងបរិស្ថាន ដើម្បីរួមគ្នាបង្កើនគម្របព្រៃឈើឱ្យបាន ៦០% នៅឆ្នាំ២០៥០៕
រាយការណ៍ដោយ៖ អង្គភាពសារព័ត៌មានខេមបូឌាប៉ុស្តិ៍
(ខេត្តរតនគិរី)៖ រដ្ឋបាលខេត្តរតនគិរី តាមរយៈគណៈបញ្ជាការកងឯកភាពស្រុកកូនមុំ សហការជាមួយសមត្ថកិច្ចពាក់ព័ន្ធ កាលពីថ្ងៃទី១៧ ខែមិថុនា ឆ្នាំ២០២៦ បានបើកប្រតិបត្តិការចុះបង្ក្រាបឡធ្យូងគ្មានច្បាប់អនុញ្ញាតជិត ១០០ឡ ដែលស្ថិតនៅក្បែរតំបន់ការពារធម្មជាតិ ជាប់នឹងព្រំប្រទល់ខេត្តរតនគិរី និងខេត្តស្ទឹងត្រែង ក្នុងភូមិបី ឃុំត្រពាំងក្រហម ស្រុកកូនមុំ។
យោងតាមការបញ្ជាក់ពីសមត្ថកិច្ច ឡធ្យូងខុសច្បាប់ទាំងនេះ គឺជាកត្តាចម្បងមួយដែលដាក់សម្ពាធយ៉ាងធ្ងន់ធ្ងរលើព្រៃឈើ និងជំរុញឱ្យមានការប្រព្រឹត្តបទល្មើសធនធានធម្មជាតិកាន់តែខ្លាំង។ ក្នុងយុទ្ធនាការនេះ អាជ្ញាធរបានប្តេជ្ញាចិត្តខ្ពស់ នឹងបន្តទប់ស្កាត់យ៉ាងម៉ឺងម៉ាត់ មិនឱ្យមានឡធ្យូងខុសច្បាប់កើតឡើងជាថ្មីទៀតឡើយ។
ជុំវិញចំណាត់ការក្តៅនេះ ក្រសួងបរិស្ថានបានសម្តែងការថ្លែងអំណរគុណយ៉ាងជ្រាលជ្រៅចំពោះអាជ្ញាធរមូលដ្ឋានគ្រប់លំដាប់ថ្នាក់ សមត្ថកិច្ចពាក់ព័ន្ធ និងប្រជាពលរដ្ឋក្នុងសហគមន៍ ដែលបានចូលរួមអនុវត្តច្បាប់យ៉ាងតឹងរឹង ក្នុងការទប់ស្កាត់ និងបង្ក្រាបបទល្មើសធនធានធម្មជាតិ ក្នុងតំបន់ការពារធម្មជាតិ ព្រមទាំងចូលរួមជំរុញចលនាពន្លកបៃតង ដើម្បីបង្កើនសុខុមាលភាពរបស់ប្រជាពលរដ្ឋ និងបរិស្ថានស្រស់ស្អាត។
ក្រសួងបរិស្ថាន ក៏បានស្នើឱ្យមានការបន្តសហការចូលរួមអនុវត្តយុទ្ធសាស្ត្រចក្រាវិស័យបរិស្ថាន ដែលផ្តោតលើសសរស្តម្ភអាទិភាពចំនួន ៣ គឺ៖ ភាពស្អាត ភាពបៃតង និងចីរភាព។
ចំពោះមុំ «ភាពបៃតង» ក្រសួងបានដាក់ចេញវិធានការម៉ឺងម៉ាត់បំផុតក្នុងការតាមដានការទន្ទ្រានដីព្រៃឈើ តាមរយៈរូបភាពផ្កាយរណប និងដ្រូន (Drone)។
ជាមួយគ្នានេះ ដើម្បីស្តារ និងពង្រីកគម្របបៃតង ក្រសួងបានសាងសង់ថ្នាលបណ្តុះកូនឈើថ្នាក់តំបន់ចំនួន ៥កន្លែង និងជំរុញការបណ្តុះកូនឈើនៅតាមមន្ទីរបរិស្ថានរាជធានី-ខេត្តទូទាំងប្រទេស សម្រាប់ចែកជូនប្រជាពលរដ្ឋយកទៅដាំដុះដោយឥតគិតថ្លៃ។
ជាពិសេស នៅក្នុងឆ្នាំ២០២៦ នេះ ក្រសួងបរិស្ថាននឹងបន្តចែកកូនឈើចម្រុះជូនប្រជាពលរដ្ឋ តាមរយៈពិព័រណ៍ «ពន្លកបៃតង» ចំនួន ៥លានដើម (ក្នុងនោះមានកូនត្នោតជាង ១លានដើម) ដែលនឹងប្រព្រឹត្តទៅចាប់ពីថ្ងៃទី១០ ដល់ថ្ងៃទី១២ ខែកក្កដា ឆ្នាំ២០២៦ ខាងមុខនេះ នៅបរិវេណមុខទីស្តីការក្រសួងបរិស្ថាន ដើម្បីរួមគ្នាបង្កើនគម្របព្រៃឈើឱ្យបាន ៦០% នៅឆ្នាំ២០៥០៕
រាយការណ៍ដោយ៖ អង្គភាពសារព័ត៌មានខេមបូឌាប៉ុស្តិ៍
