ខេត្តកំពត៖ មានការភ្ញាក់ផ្អើល និងបង្កើតជាលំហូរមតិរិះគន់យ៉ាងខ្លាំងពីសំណាក់ប្រជាពលរដ្ឋ បន្ទាប់ពីបានឃើញទូកងខ្នាតវែងមួយគ្រឿង ដែលជារបស់មន្ទីរសេដ្ឋកិច្ច និងហិរញ្ញវត្ថុខេត្តកំពត ត្រូវបានគេយកមកបោះបង់ចោលនៅដីឡូតិ៍មួយកន្លែង ដោយខ្វះការថែទាំ ទុកឲ្យរងការខូចខាតក្រោមដំណក់ទឹកភ្លៀង និងកំដៅថ្ងៃយ៉ាងអាណោចអាធ័ម។
តាមប្រភពព័ត៌មានពីប្រជាពលរដ្ឋរស់នៅក្នុងតំបន់នោះ បានរាយការណ៍ថា ទូកងមួយគ្រឿងនេះ ត្រូវបានគេយកមកផ្លុងទុកចោលនៅលើដីឡូតិ៍មួយកន្លែង ដែលមានទីតាំងស្ថិតនៅក្នុង ភូមិអ្នកប្រាំង ឃុំកំពង់ក្រែង ស្រុកទឹកឈូ ខេត្តកំពត។
បុរសម្នាក់ឈ្មោះ ពូរ័ត្ន ដែលជាអ្នកស្រុកម្នាក់រស់នៅក្បែរនោះបានឆ្លើយប្រាប់បណ្ដាញសារព័ត៌មានក្នុងស្រុកឲ្យដឹងថា៖«ទូកងនេះមានឈ្មោះថា “កំពតសែនជ័យបារមីមហាហង្ស”។ ខ្ញុំឃើញគេយកមកទុកចោលនៅទីនេះជាច្រើនខែខ្នាយមកហើយ ដោយស្ថិតនៅកណ្ដាលវាល ហាលខ្យល់ ហាលភ្លៀង និងហាលថ្ងៃ ចោលទទេៗ ដោយគ្មានដំបូល ឬការគ្របដណ្តប់ឲ្យបានត្រឹមត្រូវនោះឡើយ»។
មតិរិះគន់ជុំវិញការខ្ជះខ្ជាយថវិការដ្ឋ ព្រឹត្តិការណ៍នេះបានធ្វើឲ្យមហាជន ជាពិសេសប្រជាពលរដ្ឋនៅក្នុងខេត្តកំពត បង្ហាញការមិនពេញចិត្ត និងរិះគន់ចំៗទៅលើស្ថាប័នគ្រប់គ្រង គឺមន្ទីរសេដ្ឋកិច្ច និងហិរញ្ញវត្ថុខេត្តកំពត។ ប្រជាពលរដ្ឋបានលើកឡើងជាសំណួរដេញដោលថា៖ការចំណាយខ្ពស់តែខ្វះការទទួលខុសត្រូវ៖ ការធ្វើទូកងខ្នាតវែងមួយគ្រឿងៗ ត្រូវចំណាយថវិការាប់លានរៀល (ឬរាប់ពាន់ដុល្លារ) ដែលជាថវិកាបានមកពីការចូលរួម ឬកញ្ចប់ថវិការដ្ឋ។
ពលរដ្ឋកត់សម្គាល់ថា មន្ទីរចំណាយលុយធ្វើទូកនេះឡើង គឺដើម្បីយកទៅចូលរួមប្រកួតប្រជែងជាមួយទូកនានានៅក្នុងរដូវបុណ្យអុំទូកតែប៉ុណ្ណោះ។ ប៉ុន្តែក្រោយពេលបញ្ចប់ពិធីបុណ្យ ឬគ្រាន់តែផ្អាកការប្រណាំងមួយរយៈពេលសោះ បែរជាទូកងនេះត្រូវគេបោះបង់ចោលលែងអើពើទៅវិញ។
ទូកង មិនត្រឹមតែជាឧបករណ៍សម្រាប់កីឡាប៉ុណ្ណោះទេ ប៉ុន្តែវាក៏ជាតំណាងឲ្យអត្តសញ្ញាណ វប្បធម៌ និងការសាមគ្គីភាពរបស់មន្ទីរ ក៏ដូចជាខេត្តទាំងមូលផងដែរ។
ការទុកឲ្យឈើទូកងរងការហាលថ្ងៃហាលភ្លៀងជាច្រើនខែ អាចបណ្តាលឲ្យឈើពុកផុយ វៀចវេរ និងខូចខាតទ្រង់ទ្រាយទាំងស្រុង ដែលធ្វើឲ្យខាតបង់ថវិកាដែលបានចំណាយរួចទាំងស្រុង។
ប្រជាពលរដ្ឋបានអំពាវនាវដល់ថ្នាក់ដឹកនាំមន្ទីរសេដ្ឋកិច្ច និងហិរញ្ញវត្ថុខេត្តកំពត ក៏ដូចជាអាជ្ញាធរខេត្ត មេត្តាជួយពិនិត្យ និងមានវិធានការចាត់ចែងយកទូកង «កំពតសែនជ័យបារមីមហាហង្ស» នេះ ទៅរក្សាទុកនៅក្នុងរោងទូកឲ្យបានត្រឹមត្រូវឡើងវិញ ដើម្បីបង្ហាញពីការតម្កល់តម្លៃវប្បធម៌ និងសន្សំសំចៃថវិកាជាតិ។
ខេត្តកំពត៖ មានការភ្ញាក់ផ្អើល និងបង្កើតជាលំហូរមតិរិះគន់យ៉ាងខ្លាំងពីសំណាក់ប្រជាពលរដ្ឋ បន្ទាប់ពីបានឃើញទូកងខ្នាតវែងមួយគ្រឿង ដែលជារបស់មន្ទីរសេដ្ឋកិច្ច និងហិរញ្ញវត្ថុខេត្តកំពត ត្រូវបានគេយកមកបោះបង់ចោលនៅដីឡូតិ៍មួយកន្លែង ដោយខ្វះការថែទាំ ទុកឲ្យរងការខូចខាតក្រោមដំណក់ទឹកភ្លៀង និងកំដៅថ្ងៃយ៉ាងអាណោចអាធ័ម។
តាមប្រភពព័ត៌មានពីប្រជាពលរដ្ឋរស់នៅក្នុងតំបន់នោះ បានរាយការណ៍ថា ទូកងមួយគ្រឿងនេះ ត្រូវបានគេយកមកផ្លុងទុកចោលនៅលើដីឡូតិ៍មួយកន្លែង ដែលមានទីតាំងស្ថិតនៅក្នុង ភូមិអ្នកប្រាំង ឃុំកំពង់ក្រែង ស្រុកទឹកឈូ ខេត្តកំពត។
បុរសម្នាក់ឈ្មោះ ពូរ័ត្ន ដែលជាអ្នកស្រុកម្នាក់រស់នៅក្បែរនោះបានឆ្លើយប្រាប់បណ្ដាញសារព័ត៌មានក្នុងស្រុកឲ្យដឹងថា៖«ទូកងនេះមានឈ្មោះថា “កំពតសែនជ័យបារមីមហាហង្ស”។ ខ្ញុំឃើញគេយកមកទុកចោលនៅទីនេះជាច្រើនខែខ្នាយមកហើយ ដោយស្ថិតនៅកណ្ដាលវាល ហាលខ្យល់ ហាលភ្លៀង និងហាលថ្ងៃ ចោលទទេៗ ដោយគ្មានដំបូល ឬការគ្របដណ្តប់ឲ្យបានត្រឹមត្រូវនោះឡើយ»។
មតិរិះគន់ជុំវិញការខ្ជះខ្ជាយថវិការដ្ឋ ព្រឹត្តិការណ៍នេះបានធ្វើឲ្យមហាជន ជាពិសេសប្រជាពលរដ្ឋនៅក្នុងខេត្តកំពត បង្ហាញការមិនពេញចិត្ត និងរិះគន់ចំៗទៅលើស្ថាប័នគ្រប់គ្រង គឺមន្ទីរសេដ្ឋកិច្ច និងហិរញ្ញវត្ថុខេត្តកំពត។ ប្រជាពលរដ្ឋបានលើកឡើងជាសំណួរដេញដោលថា៖ការចំណាយខ្ពស់តែខ្វះការទទួលខុសត្រូវ៖ ការធ្វើទូកងខ្នាតវែងមួយគ្រឿងៗ ត្រូវចំណាយថវិការាប់លានរៀល (ឬរាប់ពាន់ដុល្លារ) ដែលជាថវិកាបានមកពីការចូលរួម ឬកញ្ចប់ថវិការដ្ឋ។
ពលរដ្ឋកត់សម្គាល់ថា មន្ទីរចំណាយលុយធ្វើទូកនេះឡើង គឺដើម្បីយកទៅចូលរួមប្រកួតប្រជែងជាមួយទូកនានានៅក្នុងរដូវបុណ្យអុំទូកតែប៉ុណ្ណោះ។ ប៉ុន្តែក្រោយពេលបញ្ចប់ពិធីបុណ្យ ឬគ្រាន់តែផ្អាកការប្រណាំងមួយរយៈពេលសោះ បែរជាទូកងនេះត្រូវគេបោះបង់ចោលលែងអើពើទៅវិញ។
ទូកង មិនត្រឹមតែជាឧបករណ៍សម្រាប់កីឡាប៉ុណ្ណោះទេ ប៉ុន្តែវាក៏ជាតំណាងឲ្យអត្តសញ្ញាណ វប្បធម៌ និងការសាមគ្គីភាពរបស់មន្ទីរ ក៏ដូចជាខេត្តទាំងមូលផងដែរ។
ការទុកឲ្យឈើទូកងរងការហាលថ្ងៃហាលភ្លៀងជាច្រើនខែ អាចបណ្តាលឲ្យឈើពុកផុយ វៀចវេរ និងខូចខាតទ្រង់ទ្រាយទាំងស្រុង ដែលធ្វើឲ្យខាតបង់ថវិកាដែលបានចំណាយរួចទាំងស្រុង។
ប្រជាពលរដ្ឋបានអំពាវនាវដល់ថ្នាក់ដឹកនាំមន្ទីរសេដ្ឋកិច្ច និងហិរញ្ញវត្ថុខេត្តកំពត ក៏ដូចជាអាជ្ញាធរខេត្ត មេត្តាជួយពិនិត្យ និងមានវិធានការចាត់ចែងយកទូកង «កំពតសែនជ័យបារមីមហាហង្ស» នេះ ទៅរក្សាទុកនៅក្នុងរោងទូកឲ្យបានត្រឹមត្រូវឡើងវិញ ដើម្បីបង្ហាញពីការតម្កល់តម្លៃវប្បធម៌ និងសន្សំសំចៃថវិកាជាតិ។
