បាត់ដំបង៖ ធនធានធម្មជាតិ និងដីព្រៃបម្រុងទុកអចិន្ត្រៃយ៍របស់រដ្ឋនៅតំបន់ «ភ្នំពយស្វាយ» កំពុងរងការបំផ្លិចបំផ្លាញយ៉ាងធ្ងន់ធ្ងរ តាមរយៈសកម្មភាពជីកកកាយយកអាចម៍ដីលក់យ៉ាងអាណាធិបតេយ្យ។
អ្វីដែលគួរឱ្យកត់សម្គាល់នោះគឺ ការអនុវត្តសកម្មភាពនេះកំពុងរងការរិះគន់ថា «ខុសទីតាំងពីលិខិតអនុញ្ញាត» ខណៈអាជ្ញាធរមូលដ្ឋាន និងមន្ត្រីជំនាញហាក់បីដូចជាសម្ងំស្ងៀម បណ្តោយឱ្យគ្រឿងចក្រវាយលុកបំផ្លាញភ្នំមួយនេះជារៀងរាល់ថ្ងៃ។
សកម្មភាពកាយដីក្នុងតំបន់ហាមឃាត់ និងការទម្លាយអត្តសញ្ញាណម្ចាស់អាជីវកម្ម
បើយោងតាមប្រភពព័ត៌មានពីកន្លែងកើតហេតុ កាលពីថ្ងៃទី០៥ ខែមិថុនា ឆ្នាំ២០២៦ ស្ថិតនៅចំណុចភ្នំពយស្វាយ ក្នុងឃុំតាគ្រាម ស្រុកបាណន់ ខេត្តបាត់ដំបង ដែលជាតំបន់មានបង្គោលឡាក់កំណត់ព្រំដីព្រៃបម្រុងទុកអចិន្ត្រៃយ៍របស់រដ្ឋ (បោះដោយរដ្ឋបាលព្រៃឈើសង្កាត់បាណន់ «កំពីងពួយ») គេឃើញមានគ្រឿងចក្រកំពុងដំណើរការកាយដីយ៉ាងសស្រាក់សស្រាំ។
តាមការបញ្ជាក់ពីលោកអភិបាលស្រុកបាណន់ បានឱ្យដឹងថា ទីតាំងជីកកាយភ្នំនេះមានម្ចាស់ ២ កន្លែងផ្សេងគ្នា៖
ទីតាំងទី១ (គ្រឿងចក្រពណ៌លឿង ០២គ្រឿង)៖ កំពុងជីកកាយភ្នំពយស្វាយ ជម្រៅប្រហែល ២០ ម៉ែត្រ។ ទីតាំងនេះត្រូវបានគេដឹងថា ជារបស់មន្ត្រីកងរាជអាវុធហត្ថម្នាក់ ប៉ុន្តែលោកអភិបាលស្រុកមិនបានបញ្ជាក់ថាមានច្បាប់អនុញ្ញាត ឬអត់នោះទេ។
ទីតាំងទី២ (គ្រឿងចក្រពណ៌ក្រហម)៖ មានម្ចាស់អាជីវកម្មឈ្មោះ ប៊ី វីរៈ កំពុងជីកកកាយដីក្នុងតំបន់ដីព្រៃបម្រុងទុកអចិន្ត្រៃយ៍របស់រដ្ឋ ជម្រៅជាង ២០ ម៉ែត្រដូចគ្នា ដែលកំពុងធ្វើឱ្យប៉ះពាល់យ៉ាងធ្ងន់ធ្ងរដល់តំបន់ការពារ។
ធ្លាយលិខិតសុំដីសាងសង់រោងជាងយោធា ប៉ុន្តែអនុវត្ត «ខុសទីតាំងទាំងស្រុង»
យោងតាមលិខិតផ្លូវការមួយច្បាប់ ចុះថ្ងៃទី២៧ ខែកក្កដា ឆ្នាំ២០២៤ ចុះហត្ថលេខាដោយ លោក សុខ លូ អភិបាលខេត្តបាត់ដំបង ជម្រាបជូនទៅ នាយឧត្តមសេនីយ៍ អគ្គនាយកនៃអគ្គនាយកដ្ឋានសម្ភារៈបច្ចេកទេសក្រសួងការពារជាតិ បានបង្ហាញថា រដ្ឋបាលខេត្តបានឯកភាពលើសំណើសុំកាត់ឆ្កៀល និងធ្វើការឈូសឆាយដីទំហំ ៣៩,៨៤១ ម៉ែត្រការេ ដើម្បីសាងសង់ទីកន្លែងស្នាក់នៅ និងរោងជាងសម្រាប់ជួសជុលយុទ្ធោបករណ៍របស់កងយោធពលខេមរភូមិន្ទ ប្រចាំទិសភូមិភាគទី៥។
ចំណុចមន្ទិលសង្ស័យ៖ នៅក្នុងលិខិតរបស់រដ្ឋបាលខេត្ត បានបញ្ជាក់យ៉ាងច្បាស់ថា ទីតាំងដែលអនុញ្ញាតឱ្យកាត់ឆ្កៀលនោះ ស្ថិតនៅក្នុង «ភូមិប៉ុស្តិ៍កន្ទឺ ឃុំកន្ទឺ២ ស្រុកបាណន់»។ ប៉ុន្តែ សកម្មភាពជាក់ស្តែង ក្រុមឈ្មួញបែរជាទៅនាំគ្រឿងចក្រមកជីកកាយយកអាចម៍ដីលក់នៅឯ «ភ្នំពយស្វាយ ស្ថិតក្នុងឃុំតាគ្រាម ស្រុកបាណន់» ទៅវិញ ដែលនេះជាការអនុវត្តខុសទីតាំងភូមិសាស្ត្រទាំងស្រុង និងជាអំពើល្មើសច្បាប់។
ការព្រួយបារម្ភរបស់មហាជន និងការរក្សាភាពស្ងៀមស្ងាត់ពីមន្ត្រីជំនាញ
មហាជនកំពុងសម្តែងការមិនពេញចិត្ត និងព្រួយបារម្ភយ៉ាងខ្លាំងថា ប្រសិនបើគ្មានវិធានការទប់ស្កាត់ទាន់ពេលវេលាទេនោះ សម្បត្តិធនធានធម្មជាតិដ៏មានតម្លៃនៅភ្នំពយស្វាយនេះ នឹងត្រូវរលាយបាត់បង់ក្នុងពេលដ៏ខ្លីខាងមុខជាមិនខាន ដោយសារតែការបំផ្លាញក្រោមលេសប្រើប្រាស់លិខិតខុសគោលដៅ និងខុសទីតាំងបែបនេះ។
ពាក់ព័ន្ធនឹងករណីមិនប្រក្រតីខាងលើនេះ គិតត្រឹមថ្ងៃទី០៦ ខែមិថុនា ឆ្នាំ២០២៦ នេះ អង្គភាពសារព័ត៌មានយើង នៅមិនទាន់អាចសុំការបំភ្លឺបន្ថែមពីអាជ្ញាធរខេត្ត មន្ទីរជំនាញពាក់ព័ន្ធ ជាពិសេសរដ្ឋបាលព្រៃឈើនៃក្រសួងកសិកម្ម រុក្ខាប្រមាញ់ និងនេសាទ បាននៅឡើយទេ។
អង្គភាពយើងនឹងរង់ចាំការបកស្រាយពីគ្រប់ភាគីពាក់ព័ន្ធរៀងរាល់ម៉ោងធ្វើការ ដើម្បីជម្រះមន្ទិលសង្ស័យរបស់មហាជន៕
បាត់ដំបង៖ ធនធានធម្មជាតិ និងដីព្រៃបម្រុងទុកអចិន្ត្រៃយ៍របស់រដ្ឋនៅតំបន់ «ភ្នំពយស្វាយ» កំពុងរងការបំផ្លិចបំផ្លាញយ៉ាងធ្ងន់ធ្ងរ តាមរយៈសកម្មភាពជីកកកាយយកអាចម៍ដីលក់យ៉ាងអាណាធិបតេយ្យ។
អ្វីដែលគួរឱ្យកត់សម្គាល់នោះគឺ ការអនុវត្តសកម្មភាពនេះកំពុងរងការរិះគន់ថា «ខុសទីតាំងពីលិខិតអនុញ្ញាត» ខណៈអាជ្ញាធរមូលដ្ឋាន និងមន្ត្រីជំនាញហាក់បីដូចជាសម្ងំស្ងៀម បណ្តោយឱ្យគ្រឿងចក្រវាយលុកបំផ្លាញភ្នំមួយនេះជារៀងរាល់ថ្ងៃ។
សកម្មភាពកាយដីក្នុងតំបន់ហាមឃាត់ និងការទម្លាយអត្តសញ្ញាណម្ចាស់អាជីវកម្ម
បើយោងតាមប្រភពព័ត៌មានពីកន្លែងកើតហេតុ កាលពីថ្ងៃទី០៥ ខែមិថុនា ឆ្នាំ២០២៦ ស្ថិតនៅចំណុចភ្នំពយស្វាយ ក្នុងឃុំតាគ្រាម ស្រុកបាណន់ ខេត្តបាត់ដំបង ដែលជាតំបន់មានបង្គោលឡាក់កំណត់ព្រំដីព្រៃបម្រុងទុកអចិន្ត្រៃយ៍របស់រដ្ឋ (បោះដោយរដ្ឋបាលព្រៃឈើសង្កាត់បាណន់ «កំពីងពួយ») គេឃើញមានគ្រឿងចក្រកំពុងដំណើរការកាយដីយ៉ាងសស្រាក់សស្រាំ។
តាមការបញ្ជាក់ពីលោកអភិបាលស្រុកបាណន់ បានឱ្យដឹងថា ទីតាំងជីកកាយភ្នំនេះមានម្ចាស់ ២ កន្លែងផ្សេងគ្នា៖
ទីតាំងទី១ (គ្រឿងចក្រពណ៌លឿង ០២គ្រឿង)៖ កំពុងជីកកាយភ្នំពយស្វាយ ជម្រៅប្រហែល ២០ ម៉ែត្រ។ ទីតាំងនេះត្រូវបានគេដឹងថា ជារបស់មន្ត្រីកងរាជអាវុធហត្ថម្នាក់ ប៉ុន្តែលោកអភិបាលស្រុកមិនបានបញ្ជាក់ថាមានច្បាប់អនុញ្ញាត ឬអត់នោះទេ។
ទីតាំងទី២ (គ្រឿងចក្រពណ៌ក្រហម)៖ មានម្ចាស់អាជីវកម្មឈ្មោះ ប៊ី វីរៈ កំពុងជីកកកាយដីក្នុងតំបន់ដីព្រៃបម្រុងទុកអចិន្ត្រៃយ៍របស់រដ្ឋ ជម្រៅជាង ២០ ម៉ែត្រដូចគ្នា ដែលកំពុងធ្វើឱ្យប៉ះពាល់យ៉ាងធ្ងន់ធ្ងរដល់តំបន់ការពារ។
ធ្លាយលិខិតសុំដីសាងសង់រោងជាងយោធា ប៉ុន្តែអនុវត្ត «ខុសទីតាំងទាំងស្រុង»
យោងតាមលិខិតផ្លូវការមួយច្បាប់ ចុះថ្ងៃទី២៧ ខែកក្កដា ឆ្នាំ២០២៤ ចុះហត្ថលេខាដោយ លោក សុខ លូ អភិបាលខេត្តបាត់ដំបង ជម្រាបជូនទៅ នាយឧត្តមសេនីយ៍ អគ្គនាយកនៃអគ្គនាយកដ្ឋានសម្ភារៈបច្ចេកទេសក្រសួងការពារជាតិ បានបង្ហាញថា រដ្ឋបាលខេត្តបានឯកភាពលើសំណើសុំកាត់ឆ្កៀល និងធ្វើការឈូសឆាយដីទំហំ ៣៩,៨៤១ ម៉ែត្រការេ ដើម្បីសាងសង់ទីកន្លែងស្នាក់នៅ និងរោងជាងសម្រាប់ជួសជុលយុទ្ធោបករណ៍របស់កងយោធពលខេមរភូមិន្ទ ប្រចាំទិសភូមិភាគទី៥។
ចំណុចមន្ទិលសង្ស័យ៖ នៅក្នុងលិខិតរបស់រដ្ឋបាលខេត្ត បានបញ្ជាក់យ៉ាងច្បាស់ថា ទីតាំងដែលអនុញ្ញាតឱ្យកាត់ឆ្កៀលនោះ ស្ថិតនៅក្នុង «ភូមិប៉ុស្តិ៍កន្ទឺ ឃុំកន្ទឺ២ ស្រុកបាណន់»។ ប៉ុន្តែ សកម្មភាពជាក់ស្តែង ក្រុមឈ្មួញបែរជាទៅនាំគ្រឿងចក្រមកជីកកាយយកអាចម៍ដីលក់នៅឯ «ភ្នំពយស្វាយ ស្ថិតក្នុងឃុំតាគ្រាម ស្រុកបាណន់» ទៅវិញ ដែលនេះជាការអនុវត្តខុសទីតាំងភូមិសាស្ត្រទាំងស្រុង និងជាអំពើល្មើសច្បាប់។
ការព្រួយបារម្ភរបស់មហាជន និងការរក្សាភាពស្ងៀមស្ងាត់ពីមន្ត្រីជំនាញ
មហាជនកំពុងសម្តែងការមិនពេញចិត្ត និងព្រួយបារម្ភយ៉ាងខ្លាំងថា ប្រសិនបើគ្មានវិធានការទប់ស្កាត់ទាន់ពេលវេលាទេនោះ សម្បត្តិធនធានធម្មជាតិដ៏មានតម្លៃនៅភ្នំពយស្វាយនេះ នឹងត្រូវរលាយបាត់បង់ក្នុងពេលដ៏ខ្លីខាងមុខជាមិនខាន ដោយសារតែការបំផ្លាញក្រោមលេសប្រើប្រាស់លិខិតខុសគោលដៅ និងខុសទីតាំងបែបនេះ។
ពាក់ព័ន្ធនឹងករណីមិនប្រក្រតីខាងលើនេះ គិតត្រឹមថ្ងៃទី០៦ ខែមិថុនា ឆ្នាំ២០២៦ នេះ អង្គភាពសារព័ត៌មានយើង នៅមិនទាន់អាចសុំការបំភ្លឺបន្ថែមពីអាជ្ញាធរខេត្ត មន្ទីរជំនាញពាក់ព័ន្ធ ជាពិសេសរដ្ឋបាលព្រៃឈើនៃក្រសួងកសិកម្ម រុក្ខាប្រមាញ់ និងនេសាទ បាននៅឡើយទេ។
អង្គភាពយើងនឹងរង់ចាំការបកស្រាយពីគ្រប់ភាគីពាក់ព័ន្ធរៀងរាល់ម៉ោងធ្វើការ ដើម្បីជម្រះមន្ទិលសង្ស័យរបស់មហាជន៕
