(ខេត្តកែប)៖ ឆ្លើយតបទៅនឹងការបញ្ចេញមតិរិះគន់លើបណ្តាញសង្គម ទាក់ទិននឹងឥរិយាបថមិនសមរម្យរបស់បុគ្គលិកបម្រើសេវាកម្មនៅតំបន់ឆ្នេរកែប កាលពីពេលថ្មីៗនេះ ម្ចាស់អាជីវកម្មវិនិយោគលើឆ្នេរកែប បានចេញមុខឆ្លើយតបភ្លាមៗ ដោយក្តីគោរព និងត្រៀមខ្លួនធ្វើការកែលម្អ ដើម្បីរក្សាកិត្តិយស និងមុខមាត់តំបន់ទេសចរណ៍ដ៏មានសក្តានុពលមួយនេះ។
ការចេញមុខបញ្ជាក់នេះ បានធ្វើឡើងបន្ទាប់ពីគណនីបណ្តាញសង្គមមួយឈ្មោះ Liv SivFong បានបង្ហោះសាររិះគន់ចំៗ ក្នុងន័យសួរដេញដោលទៅកាន់មហាជនថា៖ «បងប្អូនធ្លាប់ទៅកែបហើយមែនទេ… ទារតែលុយសុទ្ធទេ? ប្រហែលជាស្គាល់កន្លែងនេះហើយដែលជួបអីអ្នកជួលពោងសម្តីអាក្រក់នេះ ។ គួរអោយខ្លាចហើយនិយាយជាមួយភ្ញៀវដូចភ្ញៀវទៅសុំ»។
ភ្លាមៗបន្ទាប់ពីបានឃើញការលើកឡើងនេះ ម្ចាស់អាជីវកម្មវិនិយោគលើឆ្នេរកែប បានប្រកាសទទួលយកនូវការរិះគន់ក្នុងន័យស្ថាបនានេះ ដោយក្តីរីករាយ និងមិនមានការប្រកែកឡើយ។ លោកបានមានប្រសាសន៍បញ្ជាក់ថា៖ «ក្នុងនាមខ្ញុំជាអ្នកវិនិយោគ ខ្ញុំតែងតែគិតគូរ និងណែនាំជាប្រចាំដល់បុគ្គលិក ដើម្បីទទួលរាក់ទាក់ភ្ញៀវទេសចរឱ្យបានល្អជានិច្ច។ ត្រង់ចំណុចនេះ ខ្ញុំបាទនឹងធ្វើការពិនិត្យ ព្រមទាំងណែនាំដល់បុគ្គលិកបន្ថែមទៀត ក្នុងករណីមានហេតុការណ៍ដូចការលើកឡើងរបស់បងស្រី»។
គួររំលឹកផងដែរថា រដ្ឋបាលខេត្តកែប ក៏ដូចជាប្រមុខរាជរដ្ឋាភិបាល តែងតែជម្រុញ និងយកចិត្តទុកដាក់ខ្ពស់លើការកែលម្អសេវាកម្មទេសចរណ៍ ទាំងតម្លៃ ម្ហូបអាហារ និងសម្តីសំដៅរបស់អាជីវករ ដើម្បីទាក់ទាញភ្ញៀវជាតិ និងអន្តរជាតិ។
សកម្មភាពចេញមុខទទួលខុសត្រូវ និងត្រៀមលក្ខណៈកែទម្រង់ផ្ទៃក្នុងរបស់ម្ចាស់អាជីវកម្មខាងលើនេះ ទទួលបានការគាំទ្រ និងចាត់ទុកថាជាគំរូដ៏ល្អមួយ ក្នុងការរួមចំណែកលើកកម្ពស់វិស័យទេសចរណ៍នៅក្នុងខេត្តកែប ឱ្យកាន់តែមានភាពស៊ីវិល័យ និងកក់ក្តៅសម្រាប់ភ្ញៀវទេសចរគ្រប់រូបជានិរន្តរ៍៕
(ខេត្តកែប)៖ ឆ្លើយតបទៅនឹងការបញ្ចេញមតិរិះគន់លើបណ្តាញសង្គម ទាក់ទិននឹងឥរិយាបថមិនសមរម្យរបស់បុគ្គលិកបម្រើសេវាកម្មនៅតំបន់ឆ្នេរកែប កាលពីពេលថ្មីៗនេះ ម្ចាស់អាជីវកម្មវិនិយោគលើឆ្នេរកែប បានចេញមុខឆ្លើយតបភ្លាមៗ ដោយក្តីគោរព និងត្រៀមខ្លួនធ្វើការកែលម្អ ដើម្បីរក្សាកិត្តិយស និងមុខមាត់តំបន់ទេសចរណ៍ដ៏មានសក្តានុពលមួយនេះ។
ការចេញមុខបញ្ជាក់នេះ បានធ្វើឡើងបន្ទាប់ពីគណនីបណ្តាញសង្គមមួយឈ្មោះ Liv SivFong បានបង្ហោះសាររិះគន់ចំៗ ក្នុងន័យសួរដេញដោលទៅកាន់មហាជនថា៖ «បងប្អូនធ្លាប់ទៅកែបហើយមែនទេ… ទារតែលុយសុទ្ធទេ? ប្រហែលជាស្គាល់កន្លែងនេះហើយដែលជួបអីអ្នកជួលពោងសម្តីអាក្រក់នេះ ។ គួរអោយខ្លាចហើយនិយាយជាមួយភ្ញៀវដូចភ្ញៀវទៅសុំ»។
ភ្លាមៗបន្ទាប់ពីបានឃើញការលើកឡើងនេះ ម្ចាស់អាជីវកម្មវិនិយោគលើឆ្នេរកែប បានប្រកាសទទួលយកនូវការរិះគន់ក្នុងន័យស្ថាបនានេះ ដោយក្តីរីករាយ និងមិនមានការប្រកែកឡើយ។ លោកបានមានប្រសាសន៍បញ្ជាក់ថា៖ «ក្នុងនាមខ្ញុំជាអ្នកវិនិយោគ ខ្ញុំតែងតែគិតគូរ និងណែនាំជាប្រចាំដល់បុគ្គលិក ដើម្បីទទួលរាក់ទាក់ភ្ញៀវទេសចរឱ្យបានល្អជានិច្ច។ ត្រង់ចំណុចនេះ ខ្ញុំបាទនឹងធ្វើការពិនិត្យ ព្រមទាំងណែនាំដល់បុគ្គលិកបន្ថែមទៀត ក្នុងករណីមានហេតុការណ៍ដូចការលើកឡើងរបស់បងស្រី»។
គួររំលឹកផងដែរថា រដ្ឋបាលខេត្តកែប ក៏ដូចជាប្រមុខរាជរដ្ឋាភិបាល តែងតែជម្រុញ និងយកចិត្តទុកដាក់ខ្ពស់លើការកែលម្អសេវាកម្មទេសចរណ៍ ទាំងតម្លៃ ម្ហូបអាហារ និងសម្តីសំដៅរបស់អាជីវករ ដើម្បីទាក់ទាញភ្ញៀវជាតិ និងអន្តរជាតិ។
សកម្មភាពចេញមុខទទួលខុសត្រូវ និងត្រៀមលក្ខណៈកែទម្រង់ផ្ទៃក្នុងរបស់ម្ចាស់អាជីវកម្មខាងលើនេះ ទទួលបានការគាំទ្រ និងចាត់ទុកថាជាគំរូដ៏ល្អមួយ ក្នុងការរួមចំណែកលើកកម្ពស់វិស័យទេសចរណ៍នៅក្នុងខេត្តកែប ឱ្យកាន់តែមានភាពស៊ីវិល័យ និងកក់ក្តៅសម្រាប់ភ្ញៀវទេសចរគ្រប់រូបជានិរន្តរ៍៕
