ប្រជាពលរដ្ឋរងគ្រោះដោយខ្យល់កន្ត្រាក់ ១១ គ្រួសារ ក្នុងស្រុកទឹកឈូ ទទួលបានការឧបត្ថម្ភពីអនុសាខាកាកបាទក្រហមស្រុក

ខេត្តកំពត ៖ នារសៀលថ្ងៃចន្ទ ១៣រោច ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២០ ខែតុលា ឆ្នាំ២០២៥ អនុសាខាកាកបាទក្រហមស្រុកទឹកឈូ បានចុះសួរសុខទុក្ខ និងនាំយកអំណោយមនុស្សធម៌ទៅចែកជូនដល់បងប្អូនប្រជាពលរដ្ឋចំនួន ១១ គ្រួសារ ដែលរងគ្រោះដោយសារគ្រោះធម្មជាតិខ្យល់កន្ត្រាក់។

ពិធីសំណេះសំណាល និងចែកអំណោយនេះ ត្រូវបានដឹកនាំដោយ លោក អ៉ឹម ច័ន្ទសោធន អភិបាល នៃគណៈអភិបាលស្រុកទឹកឈូ និងជាប្រធានកិត្តិយសអនុសាខាកាកបាទក្រហមស្រុក ដោយមានការចូលរួមពីក្រុមការងារមន្ត្រីប្រចាំការអនុសាខា និងអាជ្ញាធរមូលដ្ឋានឃុំផងដែរ។
ទីតាំង និងចំនួនគ្រួសារដែលទទួលបានអំណោយ
គ្រួសាររងគ្រោះទាំង ១១ ស្ថិតនៅតាមបណ្តាឃុំចំនួន ៤ ក្នុងស្រុកទឹកឈូ រួមមាន៖
* ឃុំព្រៃថ្នង ៖ ០៥ គ្រួសារ
* ឃុំត្រពាំងព្រីង ៖ ០២ គ្រួសារ
* ឃុំកំពង់គ្រែង ៖ ០១ គ្រួសារ
* ឃុំកូនសត្វ ៖ ០៣ គ្រួសារ
មុខទំនិញឧបត្ថម្ភ និងថវិកា
អនុសាខាកាកបាទក្រហមស្រុក បានឧបត្ថម្ភជូនប្រជាពលរដ្ឋដែលរងគ្រោះទាំង ១១ គ្រួសារ ដោយក្នុងមួយគ្រួសារទទួលបាន៖
| មុខទំនិញ | ចំនួន/ទំហំ អង្ករ | ២៥ គីឡូក្រាម |មី | ១ កេស |ទឹកត្រី | ១ យួរ |ត្រីខ | ១ យួរ |ថវិកា | ៤ ម៉ឺនរៀល |
សរុបថវិកាចំណាយអស់សម្រាប់ការឧបត្ថម្ភនេះ មានចំនួន ៤៤០,០០០ រៀល (បួនសែនបួនម៉ឺនរៀល)។
សកម្មភាពមនុស្សធម៌នេះ បានបង្ហាញពីការយកចិត្តទុកដាក់ខ្ពស់របស់អាជ្ញាធរស្រុក និងកាកបាទក្រហមកម្ពុជា ចំពោះសុខទុក្ខរបស់បងប្អូនប្រជាពលរដ្ឋដែលជួបការលំបាកដោយសារគ្រោះធម្មជាតិ។