ឯកឧត្តម សោម ពិសិដ្ឋ ចូលរួមកិច្ចប្រជុំសាមញ្ញលើកទី១៧ របស់ក្រុមប្រឹក្សាខេត្តកែប អាណត្តិទី៤

ខេត្តកែប, រសៀលថ្ងៃអង្គារ ទី២៨ ខែតុលា ឆ្នាំ២០២៥ ឯកឧត្តម សោម ពិសិដ្ឋ នៃគណៈអភិបាលខេត្តកែប បានអញ្ជើញចូលរួមកិច្ចប្រជុំសាមញ្ញលើកទី១៧ របស់ក្រុមប្រឹក្សាខេត្តកែប អាណត្តិទី៤។

កិច្ចប្រជុំនេះមានរបៀបវារៈសំខាន់ៗដូចខាងក្រោម៖
* ១. ពិនិត្យ និងអនុម័ត សេចក្តីព្រាងកំណត់ហេតុកិច្ចប្រជុំសាមញ្ញលើកទី១៦ របស់ក្រុមប្រឹក្សាខេត្ត អាណត្តិទី៤ កាលពីថ្ងៃទី៣០ ខែកញ្ញា ឆ្នាំ២០២៥។
* ២. ពិនិត្យលើ សេចក្តីព្រាងឯកសាររៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៤ ឆ្នាំទី២ នៅថ្នាក់ក្រុង ស្រុក។
* ៣. សេចក្តីព្រាងរបាយការណ៍ ស្ដីពីសកម្មភាពសំខាន់ៗដែលបានអនុវត្តន៍ដោយគណៈអភិបាលខេត្តក្នុងចន្លោះកិច្ចប្រជុំសាមញ្ញលើកទី១៦ ដល់កិច្ចប្រជុំសាមញ្ញលើកទី១៧ របស់ក្រុមប្រឹក្សាខេត្ត អាណត្តិទី៤។
* ៤. ពិនិត្យ និងអនុម័ត លើសេចក្តីព្រាងរបាយការណ៍បូកសរុបលទ្ធផលការងារប្រចាំខែតុលា ឆ្នាំ២០២៥ និងលើកទិសដៅអនុវត្តការងារខែបន្ទាប់ របស់រដ្ឋបាលខេត្ត។
* ៥. បញ្ហាផ្សេងៗ។
កិច្ចប្រជុំនេះបានប្រព្រឹត្តទៅក្នុងគោលបំណងពិនិត្យ ពិភាក្សា និងអនុម័តលើរបៀបវារៈដែលបានកំណត់ ដើម្បីជំរុញការអនុវត្តការងាររបស់រដ្ឋបាលខេត្ត និងក្រុមប្រឹក្សាខេត្តកែបឱ្យកាន់តែមានប្រសិទ្ធភាព។