ថ្ងៃ​អង្គារ, ខែ​វិច្ឆិកា 17, 2026

ព័ត៌មានជាតិ

អាជ្ញាធរ​និង​មន្ត្រី​ជំនាញ​រក្សា​ភាព​ស្ងៀមស្ងាត់ បណ្ដែតបណ្ដោយ​ឲ្យ​ក្រុម​ឈ្មួញ​កាយ​ដី​ភ្នំ​សំអាង​លើ «​អាជ្ញាប័ណ្ណ​ចល័ត​»

ខេត្ត​កំពត​៖ សកម្មភាព​ជី​កកាយ​ដីភ្នំ​ទ្រង់ទ្រាយ​ធំ​មួយ​កន្លែង ស្ថិតនៅ​តំបន់ «​ភ្នំ​ពក​» ក្នុងភូមិ​ទ្វារ​ថ្មី ឃុំ​ព្រៃ​ថ្នង ស្រុក​ទឹកឈូ ខេត្ត​កំពត កំពុង​ក្លាយជា​ប្រធានបទ​ក្ដៅ និង​បង្ក​ជា​ការងឿងឆ្ងល់​យ៉ាង​ខ្លាំង​ពី​សំណាក់​ប្រជាពលរដ្ឋ ក៏ដូចជា​មន្ត្រីរាជការ​មូលដ្ឋាន​។ សេចក្តី​ព្រួយបារម្ភ​នេះ គឺ​ផ្តោតលើ​ភាពស្របច្បាប់​នៃ​អាជ្ញាប័ណ្ណ និង​វិសាលភាព​នៃ​ការធ្វើ​អាជីវកម្ម​ជីក​កាយ​ដី​ភ្នំ ដែល​ធ្វើឱ្យ​សាធារណជន​ចោទសួរ​ថា តើ​មាន​ការបំពានច្បាប់ ឬ​មាន​ការត្រួតពិនិត្យ​ហ្មត់ចត់​ពី​ស្ថាប័ន​ពាក់ព័ន្ធ​កម្រិតណា​។​

​បើ​តាម​ប្រភព​ព័ត៌មាន​ពី​ប្រជាពលរដ្ឋ និង​អ្នកតាមដាន​ការអនុវត្ត​ច្បាប់​បានឱ្យដឹងថា សកម្មភាព​កាយ​ដីភ្នំ​ភាគច្រើន​នៅក្នុង​តំបន់​ស្រុក​ទឹកឈូ តែងតែ​ត្រូវបាន​គេ​អះអាង​ថា​មាន «​អាជ្ញាប័ណ្ណ​ចល័ត​»​។ ប៉ុន្តែ បញ្ហា​ចម្បង​ដែល​ធ្វើឱ្យ​សង្គម​មាន​មន្ទិលសង្ស័យ គឺ​ការបកស្រាយ និង​ការអនុវត្ត​ជាក់ស្តែង ថា​តើ​អាជ្ញាប័ណ្ណ​ប្រភេទ​នេះ​ផ្តល់​សិទ្ធិ​ឱ្យ​កាយ​ទម្លាក់​ភ្នំ​ផ្ទាល់ ឬ​ក៏​សម្រាប់​តែ​ការកាយ​កែលម្អ​លើ​ទំហំ​ដី​ដែល​មាន​ប្លង់​កម្មសិទ្ធិ​ស្របច្បាប់​ប៉ុណ្ណោះ​។
​តាមរយៈ​ភាពចម្រូងចម្រាស​នេះ ប្រភព​បាន​ទទូច​ស្នើសុំ​ឱ្យ​អាជ្ញាធរ និង​មន្ត្រី​ជំនាញ​ធ្វើ​ការបែងចែក និង​បកស្រាយ​ឱ្យបាន​ច្បាស់លាស់ ដើម្បី​ជម្រះ​មន្ទិល និង​ការពារ​ធនធាន​ធម្មជាតិ​នៅក្នុង​មូលដ្ឋាន​។​

​ពាក់ព័ន្ធ​នឹង​សកម្មភាព​ខាងលើ​នេះ អង្គភាព​សារព័ត៌មាន​យើង​មិន​ទាន់​អាច​សុំ​ការបំភ្លឺ ឬ​ការបកស្រាយ​ពី លោក សោម វិចិត្រ ប្រធាន​មន្ទីរ​រ៉ែ និង​ថាមពល​ខេត្ត​កំពត បានទេ ដោយសារ​លេខ​ទូរ​សព្ទ​របស់​លោក​ជាប់​រវល់​។ ចំណែកឯ លោក អុឹម​ចន្ទ័ សោធន អភិបាលស្រុក​ទឹកឈូ បាន​ប្រាប់​អង្គភាព​ផ្សារ​ព័ត៌មាន​យើង​ថា​ចាំ​លោក​ឲ្យ​ក្រុមការងា​រឆែក​មើល​សិន​។​

​ជុំវិញ​ភាព​មិន​ច្បាស់លាស់​នេះ ប្រជា​ពល រដ្ឋ និង​មន្ត្រីរាជការ​ខ្នាត​តូច​បាន​លើកឡើ ង​ជា​សំណួរ​គន្លឹះ​ទៅកាន់​ស្ថាប័ន​មាន​ស ម​ត្ថ​កិច្ច​ដូចខាងក្រោម​៖​ទី​១៖ តើ​អាជ្ញាធរ និង​មន្ត្រី​ជំនាញ​បាន​ចេញ​អាជ្ញាប័ណ្ណ​ឱ្យ​គ្រឿងចក្រ​ធ្វើ​អាជីវកម្ម​កាយ​ដី​ភ្នំ​ដោយផ្ទាល់ ឬ​ក៏​សម្រាប់​ការកាយ​នៅលើ​ដី​មាន​ប័ណ្ណកម្មសិទ្ធិ​?
​ទី​២៖ តើ​កម្រិត​នៃ​ការអនុញ្ញាត ឬ​វិសាលភាព​នៃ​អាជ្ញាប័ណ្ណ​ថ្នាក់ស្រុក និង​ថ្នាក់​ខេត្ត មាន​ដែន​កំណត់ និង​លក្ខខណ្ឌ​ច្បាប់​ដល់​កម្រិត​ណាខ្លះ​?

​ពាក់ព័ន្ធ​នឹង​ព័ត៌មាន​ខាងលើ​នេះ អង្គភាព​សារព័ត៌មាន​យើងខ្ញុំ ត្រៀមខ្លួន​ជានិច្ច​ក្នុង​ការផ្សព្វផ្សាយ​បំភ្លឺ និង​ស្វាគមន៍​រាល់​ការ​ពន្យល់​ពី​សំណាក់​អាជ្ញា​ធរមាន​សមត្ថកិច្ច និង​មន្ត្រី​ជំនាញ​ពាក់ព័ន្ធ ដើម្បី​ធានាបាន​នូវ​តម្លាភាព គណនេយ្យភាព និង​ការទទួលបាន​ព័ត៌មាន​ពិត​ប្រាកដ​គ្រប់​ជ្រុ ង​ជ្រោយ ស្រប​តាម​ក្រម​សីលធម៌​វិជ្ជាជីវៈ​សារព័ត៌មាន​។​

​

ខេត្ត​កំពត​៖ សកម្មភាព​ជី​កកាយ​ដីភ្នំ​ទ្រង់ទ្រាយ​ធំ​មួយ​កន្លែង ស្ថិតនៅ​តំបន់ «​ភ្នំ​ពក​» ក្នុងភូមិ​ទ្វារ​ថ្មី ឃុំ​ព្រៃ​ថ្នង ស្រុក​ទឹកឈូ ខេត្ត​កំពត កំពុង​ក្លាយជា​ប្រធានបទ​ក្ដៅ និង​បង្ក​ជា​ការងឿងឆ្ងល់​យ៉ាង​ខ្លាំង​ពី​សំណាក់​ប្រជាពលរដ្ឋ ក៏ដូចជា​មន្ត្រីរាជការ​មូលដ្ឋាន​។ សេចក្តី​ព្រួយបារម្ភ​នេះ គឺ​ផ្តោតលើ​ភាពស្របច្បាប់​នៃ​អាជ្ញាប័ណ្ណ និង​វិសាលភាព​នៃ​ការធ្វើ​អាជីវកម្ម​ជីក​កាយ​ដី​ភ្នំ ដែល​ធ្វើឱ្យ​សាធារណជន​ចោទសួរ​ថា តើ​មាន​ការបំពានច្បាប់ ឬ​មាន​ការត្រួតពិនិត្យ​ហ្មត់ចត់​ពី​ស្ថាប័ន​ពាក់ព័ន្ធ​កម្រិតណា​។​

​បើ​តាម​ប្រភព​ព័ត៌មាន​ពី​ប្រជាពលរដ្ឋ និង​អ្នកតាមដាន​ការអនុវត្ត​ច្បាប់​បានឱ្យដឹងថា សកម្មភាព​កាយ​ដីភ្នំ​ភាគច្រើន​នៅក្នុង​តំបន់​ស្រុក​ទឹកឈូ តែងតែ​ត្រូវបាន​គេ​អះអាង​ថា​មាន «​អាជ្ញាប័ណ្ណ​ចល័ត​»​។ ប៉ុន្តែ បញ្ហា​ចម្បង​ដែល​ធ្វើឱ្យ​សង្គម​មាន​មន្ទិលសង្ស័យ គឺ​ការបកស្រាយ និង​ការអនុវត្ត​ជាក់ស្តែង ថា​តើ​អាជ្ញាប័ណ្ណ​ប្រភេទ​នេះ​ផ្តល់​សិទ្ធិ​ឱ្យ​កាយ​ទម្លាក់​ភ្នំ​ផ្ទាល់ ឬ​ក៏​សម្រាប់​តែ​ការកាយ​កែលម្អ​លើ​ទំហំ​ដី​ដែល​មាន​ប្លង់​កម្មសិទ្ធិ​ស្របច្បាប់​ប៉ុណ្ណោះ​។
​តាមរយៈ​ភាពចម្រូងចម្រាស​នេះ ប្រភព​បាន​ទទូច​ស្នើសុំ​ឱ្យ​អាជ្ញាធរ និង​មន្ត្រី​ជំនាញ​ធ្វើ​ការបែងចែក និង​បកស្រាយ​ឱ្យបាន​ច្បាស់លាស់ ដើម្បី​ជម្រះ​មន្ទិល និង​ការពារ​ធនធាន​ធម្មជាតិ​នៅក្នុង​មូលដ្ឋាន​។​

​ពាក់ព័ន្ធ​នឹង​សកម្មភាព​ខាងលើ​នេះ អង្គភាព​សារព័ត៌មាន​យើង​មិន​ទាន់​អាច​សុំ​ការបំភ្លឺ ឬ​ការបកស្រាយ​ពី លោក សោម វិចិត្រ ប្រធាន​មន្ទីរ​រ៉ែ និង​ថាមពល​ខេត្ត​កំពត បានទេ ដោយសារ​លេខ​ទូរ​សព្ទ​របស់​លោក​ជាប់​រវល់​។ ចំណែកឯ លោក អុឹម​ចន្ទ័ សោធន អភិបាលស្រុក​ទឹកឈូ បាន​ប្រាប់​អង្គភាព​ផ្សារ​ព័ត៌មាន​យើង​ថា​ចាំ​លោក​ឲ្យ​ក្រុមការងា​រឆែក​មើល​សិន​។​

​ជុំវិញ​ភាព​មិន​ច្បាស់លាស់​នេះ ប្រជា​ពល រដ្ឋ និង​មន្ត្រីរាជការ​ខ្នាត​តូច​បាន​លើកឡើ ង​ជា​សំណួរ​គន្លឹះ​ទៅកាន់​ស្ថាប័ន​មាន​ស ម​ត្ថ​កិច្ច​ដូចខាងក្រោម​៖​ទី​១៖ តើ​អាជ្ញាធរ និង​មន្ត្រី​ជំនាញ​បាន​ចេញ​អាជ្ញាប័ណ្ណ​ឱ្យ​គ្រឿងចក្រ​ធ្វើ​អាជីវកម្ម​កាយ​ដី​ភ្នំ​ដោយផ្ទាល់ ឬ​ក៏​សម្រាប់​ការកាយ​នៅលើ​ដី​មាន​ប័ណ្ណកម្មសិទ្ធិ​?
​ទី​២៖ តើ​កម្រិត​នៃ​ការអនុញ្ញាត ឬ​វិសាលភាព​នៃ​អាជ្ញាប័ណ្ណ​ថ្នាក់ស្រុក និង​ថ្នាក់​ខេត្ត មាន​ដែន​កំណត់ និង​លក្ខខណ្ឌ​ច្បាប់​ដល់​កម្រិត​ណាខ្លះ​?

​ពាក់ព័ន្ធ​នឹង​ព័ត៌មាន​ខាងលើ​នេះ អង្គភាព​សារព័ត៌មាន​យើងខ្ញុំ ត្រៀមខ្លួន​ជានិច្ច​ក្នុង​ការផ្សព្វផ្សាយ​បំភ្លឺ និង​ស្វាគមន៍​រាល់​ការ​ពន្យល់​ពី​សំណាក់​អាជ្ញា​ធរមាន​សមត្ថកិច្ច និង​មន្ត្រី​ជំនាញ​ពាក់ព័ន្ធ ដើម្បី​ធានាបាន​នូវ​តម្លាភាព គណនេយ្យភាព និង​ការទទួលបាន​ព័ត៌មាន​ពិត​ប្រាកដ​គ្រប់​ជ្រុ ង​ជ្រោយ ស្រប​តាម​ក្រម​សីលធម៌​វិជ្ជាជីវៈ​សារព័ត៌មាន​។​

​

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *