ថ្ងៃ​អង្គារ, ខែ​វិច្ឆិកា 17, 2026

ព័ត៌មានជាតិ

តើ​អាជ្ញាធរ​ជ្រាប​ទេ​? ដីព្រៃ​លិច​ទឹក​ជម្រក​មច្ឆជាតិ​នៅ «​កោះ​ស្ករ​» កំពុង​រង​ការ​កាប់ឆ្ការ និង​ជីក​ក្រវាត់​ព្រំ​យក​ធ្វើ​កម្មសិទ្ធិ​

ខេត្ត​កែប​៖ ប្រជាពលរដ្ឋ​រស់នៅ​ក្នុង​ស្រុក​ដំណាក់​ចង្អើរ បាន​សម្តែង​ការព្រួយបារម្ភ​យ៉ាងខ្លាំង និង​បាន​រាយការណ៍​អំពី​សកម្មភាព​លួច​កាប់​ឆ្ការ ព្រមទាំង​ជីក​ក្រវាត់​ព្រំ (​ជីក​គិញ​) រំលោភ​យក​ដី​ព្រៃ​លិច​ទឹក ដែល​ជា​សម្បត្តិ​សាធារណៈ​របស់​រដ្ឋ ស្ថិត​នៅ​ចំណុច​ក្បែរ​កោះ​ស្ករ ក្នុង​ភូមិ​ទួល​ស្រ​ងាំ ឃុំ​អង្កោល ស្រុក​ដំណាក់​ចង្អើរ ខេត្ត​កែប​។​

​យោងតាម​ប្រភព​ព័ត៌មាន​ពី​ប្រជាពលរដ្ឋ​ក្នុង​មូលដ្ឋាន​បានឱ្យដឹងថា ដីព្រៃ​លិច​ទឹក​នៅ​តំបន់​នោះ គឺជា​ជម្រក​ដ៏​សំខាន់​សម្រាប់​ពូជ​មច្ឆជាតិ​គ្រប់​ប្រភេទ​ជ្រកកោន និង​បន្ត​ពូជ​។ ប៉ុន្តែ​បច្ចុប្បន្ន គេ​បាន​សង្កេតឃើញ​សកម្មភាព​ទន្ទ្រាន​យ៉ាង​អនាធិបតេយ្យ ដោយ​មាន​បុគ្គល​ឈ្មោះ «​ពូ​សាន​» ត្រូវបាន​គេ​ស្គាល់​ថា​ជា​អ្នកដឹកនាំ​កម្លាំង​កម្មករ ចុះ​ទៅ​កាប់ឆ្ការ​ដើម​ព្រៃ និង​ជីក​ក្រវាត់​ព្រំដី ដើម្បី​កាន់កាប់​ធ្វើជា​កម្មសិទ្ធិ​ឯកជន​។​

​ចំពោះមុខ​សកម្មភាព​បំផ្លាញ​ទ្រព្យសម្បត្តិ​ជាតិ​បែបនេះ មហាជន និង​ប្រជាពលរដ្ឋ​ក្នុង​មូលដ្ឋាន​បាន​លើក​ជា​សំណួរ​ដោយ​មន្ទិលសង្ស័យ​ថា​៖ «​តើ​អាជ្ញាធរ និង​មន្ត្រី​ជំនាញ​ពាក់ព័ន្ធ​បាន​ជ្រាប​ព័ត៌មាន​នេះ​ដែរ​ឬទេ​? ឬ​មួយ​បាន​ជ្រាប​ហើយ ប៉ុន្តែ​នៅតែ​បន្ត​ធ្វើ​ព្រងើយកន្តើយ រក្សា​ភាព​ស្ងៀមស្ងាត់​?»

​តាមរយៈ​ករណីនេះ ប្រជាពលរដ្ឋ​បាន​លើកឡើង​នូវ​សំណូមពរ និង​ការអំពាវនាវ​សំខាន់ៗ​ដូចខាងក្រោម​៖
​អំពាវនាវ​ដល់​ថ្នាក់ដឹកនាំ​៖ ស្នើសុំ​យ៉ាងទទូច​ជូន ឯកឧត្តម សោម ពិសិដ្ឋ អភិបាល​នៃ​គណៈ​អភិបាលខេត្ត​កែប និង ឯកឧត្តម រដ្ឋមន្ត្រី​ក្រសួង​កសិកម្ម រុក្ខា​ប្រមាញ់ និង​នេសាទ មេត្តា​ចុះ​ពិនិត្យ និង​មាន​វិធានការ​ផ្ទាល់​លើ​ករណី​នេះ​។​

​វិធានការ​ទប់ស្កាត់​៖ ស្នើ​ឱ្យ​មន្ទីរ​កសិកម្ម រុក្ខា​ប្រមាញ់ និង​នេសាទ ខេត្ត​កែប ព្រម​ទាំង​អាជ្ញាធរ​ស្រុក​ដំណាក់​ចង្អើរ ចុះ​ស្រាវជ្រាវ ស្វែងរក​មុខសញ្ញា និង​ចាត់វិធានការ​តាម​ផ្លូវច្បាប់​ឱ្យ​បាន​ទាន់ពេលវេលា​។​
​គោលបំណង​៖ ដើម្បី​ការពារ​ព្រៃ​លិច​ទឹក ជម្រក​មច្ឆជាតិ និង​រក្សា​ដី​សាធារណៈ​របស់​រដ្ឋ​ឱ្យបាន​គង់វង្ស​សម្រាប់​ផលប្រយោជន៍​រួម​។​

​ប្រជាពលរដ្ឋ​រង់ចាំ​មើល​វិធានការ​ក្តៅ និង​ការចុះ​អន្តរាគមន៍​ពី​សំណាក់​អាជ្ញាធរ ព្រមទាំង​មន្ត្រី​ជំនាញ​ពាក់ព័ន្ធ ដើម្បី​ឆ្លើយតប​ទៅ​នឹង​ការព្រួយបារម្ភ និង​បញ្ឈប់​សកម្មភាព​រំលោភ​បំពាន​នេះ​ជាបន្ទាន់​៕
​

ខេត្ត​កែប​៖ ប្រជាពលរដ្ឋ​រស់នៅ​ក្នុង​ស្រុក​ដំណាក់​ចង្អើរ បាន​សម្តែង​ការព្រួយបារម្ភ​យ៉ាងខ្លាំង និង​បាន​រាយការណ៍​អំពី​សកម្មភាព​លួច​កាប់​ឆ្ការ ព្រមទាំង​ជីក​ក្រវាត់​ព្រំ (​ជីក​គិញ​) រំលោភ​យក​ដី​ព្រៃ​លិច​ទឹក ដែល​ជា​សម្បត្តិ​សាធារណៈ​របស់​រដ្ឋ ស្ថិត​នៅ​ចំណុច​ក្បែរ​កោះ​ស្ករ ក្នុង​ភូមិ​ទួល​ស្រ​ងាំ ឃុំ​អង្កោល ស្រុក​ដំណាក់​ចង្អើរ ខេត្ត​កែប​។​

​យោងតាម​ប្រភព​ព័ត៌មាន​ពី​ប្រជាពលរដ្ឋ​ក្នុង​មូលដ្ឋាន​បានឱ្យដឹងថា ដីព្រៃ​លិច​ទឹក​នៅ​តំបន់​នោះ គឺជា​ជម្រក​ដ៏​សំខាន់​សម្រាប់​ពូជ​មច្ឆជាតិ​គ្រប់​ប្រភេទ​ជ្រកកោន និង​បន្ត​ពូជ​។ ប៉ុន្តែ​បច្ចុប្បន្ន គេ​បាន​សង្កេតឃើញ​សកម្មភាព​ទន្ទ្រាន​យ៉ាង​អនាធិបតេយ្យ ដោយ​មាន​បុគ្គល​ឈ្មោះ «​ពូ​សាន​» ត្រូវបាន​គេ​ស្គាល់​ថា​ជា​អ្នកដឹកនាំ​កម្លាំង​កម្មករ ចុះ​ទៅ​កាប់ឆ្ការ​ដើម​ព្រៃ និង​ជីក​ក្រវាត់​ព្រំដី ដើម្បី​កាន់កាប់​ធ្វើជា​កម្មសិទ្ធិ​ឯកជន​។​

​ចំពោះមុខ​សកម្មភាព​បំផ្លាញ​ទ្រព្យសម្បត្តិ​ជាតិ​បែបនេះ មហាជន និង​ប្រជាពលរដ្ឋ​ក្នុង​មូលដ្ឋាន​បាន​លើក​ជា​សំណួរ​ដោយ​មន្ទិលសង្ស័យ​ថា​៖ «​តើ​អាជ្ញាធរ និង​មន្ត្រី​ជំនាញ​ពាក់ព័ន្ធ​បាន​ជ្រាប​ព័ត៌មាន​នេះ​ដែរ​ឬទេ​? ឬ​មួយ​បាន​ជ្រាប​ហើយ ប៉ុន្តែ​នៅតែ​បន្ត​ធ្វើ​ព្រងើយកន្តើយ រក្សា​ភាព​ស្ងៀមស្ងាត់​?»

​តាមរយៈ​ករណីនេះ ប្រជាពលរដ្ឋ​បាន​លើកឡើង​នូវ​សំណូមពរ និង​ការអំពាវនាវ​សំខាន់ៗ​ដូចខាងក្រោម​៖
​អំពាវនាវ​ដល់​ថ្នាក់ដឹកនាំ​៖ ស្នើសុំ​យ៉ាងទទូច​ជូន ឯកឧត្តម សោម ពិសិដ្ឋ អភិបាល​នៃ​គណៈ​អភិបាលខេត្ត​កែប និង ឯកឧត្តម រដ្ឋមន្ត្រី​ក្រសួង​កសិកម្ម រុក្ខា​ប្រមាញ់ និង​នេសាទ មេត្តា​ចុះ​ពិនិត្យ និង​មាន​វិធានការ​ផ្ទាល់​លើ​ករណី​នេះ​។​

​វិធានការ​ទប់ស្កាត់​៖ ស្នើ​ឱ្យ​មន្ទីរ​កសិកម្ម រុក្ខា​ប្រមាញ់ និង​នេសាទ ខេត្ត​កែប ព្រម​ទាំង​អាជ្ញាធរ​ស្រុក​ដំណាក់​ចង្អើរ ចុះ​ស្រាវជ្រាវ ស្វែងរក​មុខសញ្ញា និង​ចាត់វិធានការ​តាម​ផ្លូវច្បាប់​ឱ្យ​បាន​ទាន់ពេលវេលា​។​
​គោលបំណង​៖ ដើម្បី​ការពារ​ព្រៃ​លិច​ទឹក ជម្រក​មច្ឆជាតិ និង​រក្សា​ដី​សាធារណៈ​របស់​រដ្ឋ​ឱ្យបាន​គង់វង្ស​សម្រាប់​ផលប្រយោជន៍​រួម​។​

​ប្រជាពលរដ្ឋ​រង់ចាំ​មើល​វិធានការ​ក្តៅ និង​ការចុះ​អន្តរាគមន៍​ពី​សំណាក់​អាជ្ញាធរ ព្រមទាំង​មន្ត្រី​ជំនាញ​ពាក់ព័ន្ធ ដើម្បី​ឆ្លើយតប​ទៅ​នឹង​ការព្រួយបារម្ភ និង​បញ្ឈប់​សកម្មភាព​រំលោភ​បំពាន​នេះ​ជាបន្ទាន់​៕
​

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *