ខេត្តកែប៖ នាព្រឹកថ្ងៃទី២២ ខែកក្កដា ឆ្នាំ២០២៦ មន្ទីរព័ត៌មានខេត្តកែប បានបន្តរៀបចំយុទ្ធនាការផ្សព្វផ្សាយអប់រំស្តីពី «ការទប់ស្កាត់ព័ត៌មានក្លែងក្លាយ ជំហានទី២» ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន» ជូនដល់លោកគ្រូ អ្នកគ្រូ និងសិស្សានុសិស្ស នៅអនុវិទ្យាល័យ ហ៊ុន សែន ក្រុងកែប ដើម្បីលើកកម្ពស់ការយល់ដឹងអំពីអក្ខរកម្មព័ត៌មាន អក្ខរកម្មប្រព័ន្ធផ្សព្វផ្សាយ និងការប្រើប្រាស់បច្ចេកវិទ្យាឌីជីថលប្រកបដោយការទទួលខុសត្រូវ។
ពិធីនេះបានប្រព្រឹត្តទៅក្រោមអធិបតីភាព លោក ប៊ុន យោង អភិបាលរងខេត្តកែប តំណាង ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប ដោយមានការចូលរួមពី លោក រស់ ឧត្ដុង្គ ប្រធានមន្ទីរព័ត៌មានខេត្ត លោក ងួន ច័ន្ទសុជាតា ប្រធានមន្ទីរអប់រំ យុវជន និងកីឡាខេត្ត ថ្នាក់ដឹកនាំរដ្ឋបាលក្រុងកែប មន្ត្រីរាជការ លោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។
ថ្លែងក្នុងឱកាសនោះ លោក ប៊ុន យោង អភិបាលរងខេត្ត បានគូសបញ្ជាក់ថា ទោះបីជាការរីកចម្រើននៃបច្ចេកវិទ្យាឌីជីថល និងបណ្តាញសង្គមផ្តល់ភាពងាយស្រួលក្នុងការទទួល និងចែករំលែកព័ត៌មានយ៉ាងណាក៏ដោយ ប៉ុន្តែក៏បានបង្កឱ្យមានការរីករាលដាលនៃព័ត៌មានក្លែងក្លាយ ដែលប៉ះពាល់ដល់បុគ្គល និងសង្គមផងដែរ។ លោកបានផ្តាំផ្ញើដល់យុវជន និងសិស្សានុសិស្សទាំងអស់ថា៖
ត្រូវផ្ទៀងផ្ទាត់ប្រភព៖ ពិនិត្យប្រភពព័ត៌មានឱ្យបានច្បាស់លាស់មុននឹងជឿ ឬធ្វើសកម្មភាព Like, Share និង Comment ដើម្បីជៀសវាងការចែកចាយព័ត៌មានក្លែងក្លាយដោយអចេតនា។
បង្ការផលប៉ះពាល់៖ ការចែករំលែកព័ត៌មានមិនច្បាស់លាស់ អាចបង្កឱ្យមានភាពភ័យខ្លាច ការភាន់ច្រឡំ និងប៉ះពាល់ដល់សាមគ្គីភាពក្នុងសង្គម។
ជាមួយគ្នានេះ លោក រស់ ឧត្តុង្គ ប្រធានមន្ទីរព័ត៌មានខេត្តកែប បានលើកឡើងថា សិស្សានុសិស្សត្រូវរៀបចំខ្លួនឱ្យក្លាយជា «ពលរដ្ឋឌីជីថលល្អ» និងជាភ្នាក់ងារសុវត្ថិភាពព័ត៌មានដ៏សកម្ម។ លោកបានអំពាវនាវឱ្យប្អូនៗ៖
ប្រើប្រាស់ការគិតពិចារណា និងអក្ខរកម្មព័ត៌មានធ្វើជាខែលការពារខ្លួន ការពារសិទ្ធិ និងរួមចំណែកថែរក្សាសន្តិភាពក្នុងសង្គម។
នាំយកចំណេះដឹងដែលទទួលបានពីយុទ្ធនាការនេះ ទៅផ្សព្វផ្សាយបន្តដល់ក្រុមគ្រួសារ មិត្តភក្តិ និងសហគមន៍ ដើម្បីរួមគ្នាទប់ស្កាត់ព័ត៌មានក្លែងក្លាយ។
គួររំលឹកផងដែរថា យុទ្ធនាការអប់រំទប់ស្កាត់ព័ត៌មានក្លែងក្លាយ ជំហានទី២ នៅអនុវិទ្យាល័យ ហ៊ុន សែន ក្រុងកែប នេះ គឺជាលើកទី៣ ហើយដែលមន្ទីរព័ត៌មានខេត្តកែបបានអនុវត្តនៅតាមគ្រឹះស្ថានសិក្សាក្នុងខេត្ត ដោយកន្លងមកធ្លាប់បានរៀបចំនៅ វិទ្យាល័យ ប៊ុនរ៉ានី ហ៊ុន សែន ចរិយាវង្ស ក្រុងកែប និង វិទ្យាល័យ ហ៊ុន សែន ចំការដូង ស្រុកដំណាក់ចង្អើរ រួចមកហើយ៕
ខេត្តកែប៖ នាព្រឹកថ្ងៃទី២២ ខែកក្កដា ឆ្នាំ២០២៦ មន្ទីរព័ត៌មានខេត្តកែប បានបន្តរៀបចំយុទ្ធនាការផ្សព្វផ្សាយអប់រំស្តីពី «ការទប់ស្កាត់ព័ត៌មានក្លែងក្លាយ ជំហានទី២» ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន» ជូនដល់លោកគ្រូ អ្នកគ្រូ និងសិស្សានុសិស្ស នៅអនុវិទ្យាល័យ ហ៊ុន សែន ក្រុងកែប ដើម្បីលើកកម្ពស់ការយល់ដឹងអំពីអក្ខរកម្មព័ត៌មាន អក្ខរកម្មប្រព័ន្ធផ្សព្វផ្សាយ និងការប្រើប្រាស់បច្ចេកវិទ្យាឌីជីថលប្រកបដោយការទទួលខុសត្រូវ។
ពិធីនេះបានប្រព្រឹត្តទៅក្រោមអធិបតីភាព លោក ប៊ុន យោង អភិបាលរងខេត្តកែប តំណាង ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប ដោយមានការចូលរួមពី លោក រស់ ឧត្ដុង្គ ប្រធានមន្ទីរព័ត៌មានខេត្ត លោក ងួន ច័ន្ទសុជាតា ប្រធានមន្ទីរអប់រំ យុវជន និងកីឡាខេត្ត ថ្នាក់ដឹកនាំរដ្ឋបាលក្រុងកែប មន្ត្រីរាជការ លោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។
ថ្លែងក្នុងឱកាសនោះ លោក ប៊ុន យោង អភិបាលរងខេត្ត បានគូសបញ្ជាក់ថា ទោះបីជាការរីកចម្រើននៃបច្ចេកវិទ្យាឌីជីថល និងបណ្តាញសង្គមផ្តល់ភាពងាយស្រួលក្នុងការទទួល និងចែករំលែកព័ត៌មានយ៉ាងណាក៏ដោយ ប៉ុន្តែក៏បានបង្កឱ្យមានការរីករាលដាលនៃព័ត៌មានក្លែងក្លាយ ដែលប៉ះពាល់ដល់បុគ្គល និងសង្គមផងដែរ។ លោកបានផ្តាំផ្ញើដល់យុវជន និងសិស្សានុសិស្សទាំងអស់ថា៖
ត្រូវផ្ទៀងផ្ទាត់ប្រភព៖ ពិនិត្យប្រភពព័ត៌មានឱ្យបានច្បាស់លាស់មុននឹងជឿ ឬធ្វើសកម្មភាព Like, Share និង Comment ដើម្បីជៀសវាងការចែកចាយព័ត៌មានក្លែងក្លាយដោយអចេតនា។
បង្ការផលប៉ះពាល់៖ ការចែករំលែកព័ត៌មានមិនច្បាស់លាស់ អាចបង្កឱ្យមានភាពភ័យខ្លាច ការភាន់ច្រឡំ និងប៉ះពាល់ដល់សាមគ្គីភាពក្នុងសង្គម។
ជាមួយគ្នានេះ លោក រស់ ឧត្តុង្គ ប្រធានមន្ទីរព័ត៌មានខេត្តកែប បានលើកឡើងថា សិស្សានុសិស្សត្រូវរៀបចំខ្លួនឱ្យក្លាយជា «ពលរដ្ឋឌីជីថលល្អ» និងជាភ្នាក់ងារសុវត្ថិភាពព័ត៌មានដ៏សកម្ម។ លោកបានអំពាវនាវឱ្យប្អូនៗ៖
ប្រើប្រាស់ការគិតពិចារណា និងអក្ខរកម្មព័ត៌មានធ្វើជាខែលការពារខ្លួន ការពារសិទ្ធិ និងរួមចំណែកថែរក្សាសន្តិភាពក្នុងសង្គម។
នាំយកចំណេះដឹងដែលទទួលបានពីយុទ្ធនាការនេះ ទៅផ្សព្វផ្សាយបន្តដល់ក្រុមគ្រួសារ មិត្តភក្តិ និងសហគមន៍ ដើម្បីរួមគ្នាទប់ស្កាត់ព័ត៌មានក្លែងក្លាយ។
គួររំលឹកផងដែរថា យុទ្ធនាការអប់រំទប់ស្កាត់ព័ត៌មានក្លែងក្លាយ ជំហានទី២ នៅអនុវិទ្យាល័យ ហ៊ុន សែន ក្រុងកែប នេះ គឺជាលើកទី៣ ហើយដែលមន្ទីរព័ត៌មានខេត្តកែបបានអនុវត្តនៅតាមគ្រឹះស្ថានសិក្សាក្នុងខេត្ត ដោយកន្លងមកធ្លាប់បានរៀបចំនៅ វិទ្យាល័យ ប៊ុនរ៉ានី ហ៊ុន សែន ចរិយាវង្ស ក្រុងកែប និង វិទ្យាល័យ ហ៊ុន សែន ចំការដូង ស្រុកដំណាក់ចង្អើរ រួចមកហើយ៕
