កំពត៖ ឯកឧត្តម ម៉ៅ ធនិន អភិបាលខេត្តកំពត បានបញ្ជាក់យ៉ាងច្បាស់ថា ការដាំដើមឈើ ព្រមទាំងការថែរក្សា និងអភិរក្សព្រៃឈើ មិនមែនជាភារកិច្ចដាច់ដោយឡែករបស់ស្ថាប័នណាមួយនោះឡើយ ប៉ុន្តែវាគឺជាកាតព្វកិច្ចរួមរបស់ប្រជាពលរដ្ឋគ្រប់រូប ក្នុងគោលបំណងរក្សាបរិស្ថានបៃតង ការពារប្រភពទឹក និងទប់ស្កាត់ផលប៉ះពាល់អវិជ្ជមានពីការប្រែប្រួលអាកាសធាតុ។
ការលើកឡើងបែបនេះ ត្រូវបានធ្វើឡើងនៅក្នុងពិធីរុក្ខទិវា ៩ កក្កដា ឆ្នាំ២០២៦ ដែលបានប្រព្រឹត្តទៅនៅបរិវេណជើងភ្នំទ្វារ ស្ថិតក្នុងភូមិល្អាង ឃុំល្អាង ស្រុកដងទង់ ខេត្តកំពត នាថ្ងៃទី១៣ ខែកក្កដា ឆ្នាំ២០២៦។ ពិធីនេះមានការអញ្ជើញចូលរួមយ៉ាងច្រើនកុះករពីសំណាក់មន្ត្រីរាជការ ព្រះសង្ឃ កងកម្លាំងប្រដាប់អាវុធ និងប្រជាពលរដ្ឋក្នុងមូលដ្ឋាន។
សារៈសំខាន់នៃការដាំដើមឈើ និងការអភិវឌ្ឍតំបន់ទេសចរណ៍
នៅក្នុងឱកាសនោះ ឯកឧត្តម ម៉ៅ ធនិន បានមានប្រសាសន៍សង្កត់ធ្ងន់ថា៖
«ដើមឈើមួយដើមដែលត្រូវបានដាំនៅថ្ងៃនេះ នឹងផ្តល់ម្លប់ ខ្យល់បរិសុទ្ធ ការពារប្រភពទឹក និងរួមចំណែកកាត់បន្ថយឧស្ម័នផ្ទះកញ្ចក់នាពេលអនាគត។»
ឯកឧត្តមក៏បានអំពាវនាវដល់បងប្អូនប្រជាពលរដ្ឋទាំងអស់ ឱ្យចូលរួមដាំ និងថែរក្សាដើមឈើ ដើម្បីបន្សល់ទុកនូវបរិស្ថានស្រស់ស្អាត និងប្រកបដោយចីរភាពសម្រាប់កូនចៅជំនាន់ក្រោយ។ ការស្រឡាញ់ដើមឈើ និងព្រៃឈើ មិនត្រឹមតែជួយការពារបរិស្ថាន និងកាត់បន្ថយគ្រោះធម្មជាតិ ដូចជា៖ ព្យុះ ទឹកជំនន់ និងការបាក់ស្រុតដីប៉ុណ្ណោះទេ ប៉ុន្តែថែមទាំងផ្តល់នូវអនុផលព្រៃឈើសម្រាប់ប្រជាពលរដ្ឋក្នុងសហគមន៍ទៀតផង។
បន្ថែមពីនេះ ឯកឧត្តមអភិបាលខេត្តបានគូសបញ្ជាក់ថា រដ្ឋបាលខេត្តកំពតមានគោលបំណងអភិវឌ្ឍតំបន់ភ្នំទ្វារ ឱ្យក្លាយទៅជាតំបន់ទេសចរណ៍វប្បធម៌ និងសាសនាដ៏ទាក់ទាញ មួយ ដែលមានសោភ័ណភាពបៃតងស្រស់បំព្រង និងលម្អដោយដើមឈើផ្ការីកគ្រប់រដូវ ដើម្បីទាក់ទាញភ្ញៀវទេសចរទាំងជាតិ និងអន្តរជាតិ។
សកម្មភាពដាំ និងចែកកូនឈើក្នុងពិធីរុក្ខទិវា
ជាមួយគ្នានោះដែរ លោក ចាន់ រិទ្ធិ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពត បានលើកឡើងថា រុក្ខទិវា គឺជាព្រឹត្តិការណ៍ដ៏មានសារៈសំខាន់បំផុត ក្នុងការបំផុសស្មារតីស្រឡាញ់ធម្មជាតិ និងលើកកម្ពស់ការចូលរួមអភិរក្សធនធានព្រៃឈើ។
លោកប្រធានមន្ទីរបានឱ្យដឹងថា នៅក្នុងយុទ្ធនាការនេះ ក្រុមការងារបានរៀបចំដាំកូនឈើជាង ៦០០ដើម៖
នៅតាមបណ្តោយផ្លូវជាតិជើងភ្នំទ្វារ នៅតាមផ្លូវឡើងភ្នំទៅប្រាសាទមាសលោកជំទាវម៉ៅ ក្រៅពីការដាំដុះផ្ទាល់ គណៈកម្មការរៀបចំកម្មវិធីក៏បានចែកកូនឈើជាច្រើនដើមបន្ថែមទៀត ជូនដល់អង្គភាពកងកម្លាំង ព្រះសង្ឃ លោកគ្រូអ្នកគ្រូ សិស្សានុសិស្ស និងប្រជាពលរដ្ឋដែលបានចូលរួម ដើម្បីយកទៅដាំដុះបន្តនៅតាមមូលដ្ឋានរៀងៗខ្លួនផងដែរ៕
កំពត៖ ឯកឧត្តម ម៉ៅ ធនិន អភិបាលខេត្តកំពត បានបញ្ជាក់យ៉ាងច្បាស់ថា ការដាំដើមឈើ ព្រមទាំងការថែរក្សា និងអភិរក្សព្រៃឈើ មិនមែនជាភារកិច្ចដាច់ដោយឡែករបស់ស្ថាប័នណាមួយនោះឡើយ ប៉ុន្តែវាគឺជាកាតព្វកិច្ចរួមរបស់ប្រជាពលរដ្ឋគ្រប់រូប ក្នុងគោលបំណងរក្សាបរិស្ថានបៃតង ការពារប្រភពទឹក និងទប់ស្កាត់ផលប៉ះពាល់អវិជ្ជមានពីការប្រែប្រួលអាកាសធាតុ។
ការលើកឡើងបែបនេះ ត្រូវបានធ្វើឡើងនៅក្នុងពិធីរុក្ខទិវា ៩ កក្កដា ឆ្នាំ២០២៦ ដែលបានប្រព្រឹត្តទៅនៅបរិវេណជើងភ្នំទ្វារ ស្ថិតក្នុងភូមិល្អាង ឃុំល្អាង ស្រុកដងទង់ ខេត្តកំពត នាថ្ងៃទី១៣ ខែកក្កដា ឆ្នាំ២០២៦។ ពិធីនេះមានការអញ្ជើញចូលរួមយ៉ាងច្រើនកុះករពីសំណាក់មន្ត្រីរាជការ ព្រះសង្ឃ កងកម្លាំងប្រដាប់អាវុធ និងប្រជាពលរដ្ឋក្នុងមូលដ្ឋាន។
សារៈសំខាន់នៃការដាំដើមឈើ និងការអភិវឌ្ឍតំបន់ទេសចរណ៍
នៅក្នុងឱកាសនោះ ឯកឧត្តម ម៉ៅ ធនិន បានមានប្រសាសន៍សង្កត់ធ្ងន់ថា៖
«ដើមឈើមួយដើមដែលត្រូវបានដាំនៅថ្ងៃនេះ នឹងផ្តល់ម្លប់ ខ្យល់បរិសុទ្ធ ការពារប្រភពទឹក និងរួមចំណែកកាត់បន្ថយឧស្ម័នផ្ទះកញ្ចក់នាពេលអនាគត។»
ឯកឧត្តមក៏បានអំពាវនាវដល់បងប្អូនប្រជាពលរដ្ឋទាំងអស់ ឱ្យចូលរួមដាំ និងថែរក្សាដើមឈើ ដើម្បីបន្សល់ទុកនូវបរិស្ថានស្រស់ស្អាត និងប្រកបដោយចីរភាពសម្រាប់កូនចៅជំនាន់ក្រោយ។ ការស្រឡាញ់ដើមឈើ និងព្រៃឈើ មិនត្រឹមតែជួយការពារបរិស្ថាន និងកាត់បន្ថយគ្រោះធម្មជាតិ ដូចជា៖ ព្យុះ ទឹកជំនន់ និងការបាក់ស្រុតដីប៉ុណ្ណោះទេ ប៉ុន្តែថែមទាំងផ្តល់នូវអនុផលព្រៃឈើសម្រាប់ប្រជាពលរដ្ឋក្នុងសហគមន៍ទៀតផង។
បន្ថែមពីនេះ ឯកឧត្តមអភិបាលខេត្តបានគូសបញ្ជាក់ថា រដ្ឋបាលខេត្តកំពតមានគោលបំណងអភិវឌ្ឍតំបន់ភ្នំទ្វារ ឱ្យក្លាយទៅជាតំបន់ទេសចរណ៍វប្បធម៌ និងសាសនាដ៏ទាក់ទាញ មួយ ដែលមានសោភ័ណភាពបៃតងស្រស់បំព្រង និងលម្អដោយដើមឈើផ្ការីកគ្រប់រដូវ ដើម្បីទាក់ទាញភ្ញៀវទេសចរទាំងជាតិ និងអន្តរជាតិ។
សកម្មភាពដាំ និងចែកកូនឈើក្នុងពិធីរុក្ខទិវា
ជាមួយគ្នានោះដែរ លោក ចាន់ រិទ្ធិ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពត បានលើកឡើងថា រុក្ខទិវា គឺជាព្រឹត្តិការណ៍ដ៏មានសារៈសំខាន់បំផុត ក្នុងការបំផុសស្មារតីស្រឡាញ់ធម្មជាតិ និងលើកកម្ពស់ការចូលរួមអភិរក្សធនធានព្រៃឈើ។
លោកប្រធានមន្ទីរបានឱ្យដឹងថា នៅក្នុងយុទ្ធនាការនេះ ក្រុមការងារបានរៀបចំដាំកូនឈើជាង ៦០០ដើម៖
នៅតាមបណ្តោយផ្លូវជាតិជើងភ្នំទ្វារ នៅតាមផ្លូវឡើងភ្នំទៅប្រាសាទមាសលោកជំទាវម៉ៅ ក្រៅពីការដាំដុះផ្ទាល់ គណៈកម្មការរៀបចំកម្មវិធីក៏បានចែកកូនឈើជាច្រើនដើមបន្ថែមទៀត ជូនដល់អង្គភាពកងកម្លាំង ព្រះសង្ឃ លោកគ្រូអ្នកគ្រូ សិស្សានុសិស្ស និងប្រជាពលរដ្ឋដែលបានចូលរួម ដើម្បីយកទៅដាំដុះបន្តនៅតាមមូលដ្ឋានរៀងៗខ្លួនផងដែរ៕
